Salimo 95:1-11
95 Bwerani, tiyeni tifuule kwa Yehova mosangalala!
Tiyeni tifuule mosangalala ndipo titamande Thanthwe la chipulumutso chathu.+
2 Tiyeni tikaonekere pamaso pake moyamikira.+Tiyeni timuimbire nyimbo zomutamanda ndipo tifuule mosangalala.
3 Chifukwa Yehova ndi Mulungu wamkulu,Iye ndi Mfumu yaikulu kuposa milungu ina yonse.+
4 Malo ozama kwambiri a dziko lapansi ali mʼmanja mwake,Mapiri aatali nawonso ndi ake.+
5 Nyanja imene iye anapanga ndi yake,+Ndipo manja ake anapanganso mtunda.+
6 Bwerani, tiyeni timulambire komanso kumugwadira.Tiyeni tigwade pamaso pa Yehova amene anatipanga.+
7 Chifukwa iye ndi Mulungu wathuNdipo ife ndi anthu amene iye akuweta,Nkhosa zimene akuzisamalira.*+
Lero anthu inu mukamvera mawu ake,+
8 Musaumitse mitima yanu ngati mmene makolo anu anachitira ku Meriba,*+Ngati mmene anachitira ku Masa* mʼchipululu,+
9 Pamene makolo anu anandiyesa.+Iwo anatsutsana ndi ine ngakhale kuti anaona ntchito zanga.+
10 Kwa zaka 40, mʼbadwo umenewo unkandinyansa ndipo ndinati:
“Awa ndi anthu amene mitima yawo imasochera nthawi zonse,Njira zanga sakuzidziwa.”
11 Choncho ndinalumbira nditakwiya kuti:
“Sadzalowa mumpumulo wanga.”+
