Miyambo 20:1-30
20 Munthu amene amamwa vinyo wambiri amayamba kunyoza+ ndipo amene amamwa mowa wambiri amachita zosokoneza.+Aliyense amene amasochera ndi zinthu zimenezi alibe nzeru.+
2 Kuopsa kwa mfumu kuli ngati kubangula kwa mkango wamphamvu.+Aliyense woputa mkwiyo wake akuika moyo wake pangozi.+
3 Munthu amalemekezeka akapewa mkangano,+Koma aliyense wopusa amafulumira kuyambitsa mkangano.+
4 Waulesi salima nthawi yozizira,Choncho iye azidzapemphapempha nthawi yokolola chifukwa adzakhala alibe kanthu.*+
5 Maganizo amumtima* mwa munthu ali ngati madzi akuya,Koma munthu wozindikira ndi amene amawatunga.
6 Anthu ambiri amanena kuti ali ndi chikondi chokhulupirika,Koma ndi ndani amene angapeze munthu wokhulupirika?
7 Munthu wolungama amachita zinthu mokhulupirika.+
Ana ake ndi osangalala.+
8 Mfumu ikakhala pampando wachifumu kuti iweruze,+Maso ake amazindikira* anthu onse oipa.+
9 Ndi ndani anganene kuti: “Ndayeretsa mtima wanga.+Ndine woyera ku tchimo langa”?+
10 Miyala yachinyengo yoyezera komanso miyezo yachinyengo,*Zonsezi nʼzonyansa kwa Yehova.+
11 Ngakhale mwana* amadziwika ndi zochita zake,Ngati khalidwe lake lili loyera ndiponso labwino.+
12 Khutu lakumva ndiponso diso loona,Zonsezi anazipanga ndi Yehova.+
13 Usamakonde tulo chifukwa ungasauke.+
Tsegula maso ako ndipo udzakhala ndi chakudya chambiri.+
14 Wogula amanena kuti, “chinthu ichi si chabwino, si chabwino chimenechi!”Kenako amachoka ndipo amayamba kudzitama.+
15 Pali golide komanso miyala yambiri yamtengo wapatali ya korali,*Koma milomo yodziwa zinthu ndi yamtengo wapatali.+
16 Ngati munthu walonjeza kuti akhala chikole kwa mlendo, umulande chovala chake.+Komanso umulande chikole ngati walonjeza zimenezi kwa mkazi wachilendo.+
17 Chakudya chimene munthu wachipeza mwachinyengo chimamukomera,Koma pambuyo pake mʼkamwa mwake mumadzaza miyala.+
18 Anthu akakambirana zolinga zawo zimakwaniritsidwa,*+Ndipo uzitsatira malangizo anzeru pomenya nkhondo yako.+
19 Wonenera anzake zoipa amayendayenda nʼkumaulula zinsinsi.+Usamagwirizane ndi munthu amene amakonda kunena miseche.*
20 Aliyense amene amatemberera bambo ake komanso mayi ake,Nyale yake idzazimitsidwa kukagwa mdima.+
21 Munthu akapeza cholowa mwadyera,Pamapeto pake Mulungu sadzamudalitsa.+
22 Usanene kuti: “Ndidzabwezera choipa.”+
Yembekezera Yehova+ ndipo iye adzakupulumutsa.+
23 Miyala yachinyengo* yoyezera ndi yonyansa kwa Yehova,Ndipo masikelo achinyengo si abwino.
24 Yehova ndi amene amatsogolera mapazi a munthu.+Ndiye munthu payekha angadziwe bwanji njira yoyenera kuyenda?
25 Umakhala msampha munthu akathamangira kufuula kuti, “Nʼzoyera!”+
Koma pambuyo polonjeza nʼkuyamba kuganiziranso bwino zimene walonjezazo.+
26 Mfumu yanzeru imazindikira anthu oipa,+Ndipo imawaponda ndi wilo lopunthira mbewu.+
27 Mpweya wa munthu ndi nyale ya Yehova.Imafufuza zinthu zamkati mwa mtima wake.
28 Kukhulupirika komanso chikondi chokhulupirika zimateteza mfumu.+Mfumuyo ikamasonyeza chikondi chokhulupirika, mpando wake wachifumu umakhazikika.+
29 Ulemerero wa anyamata ndi mphamvu zawo,+Ndipo ulemerero wa anthu achikulire ndi imvi zawo.+
30 Mabala obwera chifukwa chopatsidwa chilango amachotsa zoipa,+Ndipo zikwapu zimayeretsa mtima wa munthu.
Mawu a M'munsi
^ Mabaibulo ena amati, “Pa nthawi yokolola adzafunafuna zinthu koma sadzazipeza.”
^ Kapena kuti, “Zolinga zamumtima.” Mʼchilankhulo choyambirira, “Malangizo amumtima.”
^ Kapena kuti, “amapeta.”
^ Kapena kuti, “Miyala iwiri yosiyana yoyezera ndiponso zinthu ziwiri zosiyana zoyezera.”
^ Kapena kuti, “mnyamata.”
^ Onani Matanthauzo a Mawu Ena.
^ Kapena kuti, “zimakhazikika.”
^ Kapena kuti, “amene amakonda kukopa ena ndi milomo yake.”
^ Kapena kuti, “miyala iwiri yosiyana yoyezera.”
