Nyimbo ya Solomo 6:1-13
6 “Kodi wachikondi wako wapita kuti,Iwe mkazi wokongola kwambiri kuposa akazi onse?
Kodi wachikondi wako wadzera njira iti?
Tiye tikuthandize kumufunafuna.”
2 “Wachikondi wanga wapita kumunda wake,Kumabedi amʼmunda a mbewu zonunkhira,Kuti akadyetse ziweto kuminda,Ndiponso kuti akathyole maluwa.+
3 Wachikondi wanga, ine ndi wakeNdipo iye ndi wanga.+
Iye akudyetsera ziweto msipu umene uli pakati pa maluwa.”+
4 “Wokondedwa wangawe,+ ndiwe wokongola ngati Tiriza,*+Ndiwe wooneka bwino ngati Yerusalemu,+Ndipo ndiwe wogometsa ngati magulu a asilikali amene azungulira mbendera.+
5 Yangʼana kumbali kuti maso ako+ asandiyangʼanitsitse,Chifukwa akundichititsa mantha.
Tsitsi lako lili ngati gulu la mbuziZimene zikuthamanga potsika mapiri a ku Giliyadi.+
6 Mano ako ali ngati gulu la nkhosaZimene zikuchokera kosambitsidwa,Zonse zabereka mapasa,Ndipo palibe imene ana ake afa.
7 Masaya ako munsalu yako yophimba kumutuyoAli ngati khangaza* logamphula pakati.
8 Ngakhale patakhala mafumukazi 60Komanso adzakazi* 80Ndi atsikana osawerengeka,+
9 Koma mmodzi yekha ndi amene ali njiwa yanga,+ wopanda chilema.
Iye ndi mwana wapadera kwambiri kwa mayi ake.
Ndi mwana amene amakondedwa ndi* mayi amene anamubereka.
Ana aakazi akamuona, amamunena kuti ndi wosangalala.Mafumukazi ndi adzakazi amamutamanda.
10 ‘Kodi mkazi amene akuwala* ngati mʼbandakuchayu ndi ndani,Amene ndi wokongola ngati mwezi wathunthu,Wosadetsedwa ngati kuwala kwa dzuwa,Wogometsa ngati magulu a asilikali amene azungulira mbendera?’”+
11 “Ine ndinapita kumunda wa mitengo ya zipatso zokhala ndi mtedza,+Kuti ndikaone ngati yaphuka masamba atsopano mʼchigwa,*Kuti ndikaone ngati mitengo ya mpesa yaphukira,Ndiponso ngati mitengo ya makangaza yachita maluwa.
12 Mosazindikira,Chifukwa cholakalaka kuona zinthu zimenezi, ndinakafikaKumene kunali magaleta a anthu olemekezeka* a mtundu wanga.”
13 “Bwerera, bwerera iwe Msulami!
Bwerera, bwereraKuti tione kukongola kwako!”
“Nʼchifukwa chiyani mukuyangʼanitsitsa Msulami?”+
“Iye ali ngati gule wa magulu awiri a anthu.”*
Mawu a M'munsi
^ Kapena kuti, “Mzinda Wosangalatsa.”
^ “Khangaza” ndi mtundu wa chipatso. Ena amati chimanga chachizungu.
^ Onani Matanthauzo a Mawu Ena.
^ Mʼchilankhulo choyambirira, “Ndi mwana woyera kwa.”
^ Mʼchilankhulo choyambirira, “akuyangʼana pansi.”
^ Kapena kuti, “mʼkhwawa.”
^ Kapena kuti, “odzipereka.”
^ Kapena kuti, “gule wa Mahanaimu.”
