Yesaya 35:1-10
35 Chipululu ndi dziko louma zidzasangalala,+Dera lachipululu lidzakondwa ndipo lidzachita maluwa ambiri.*+
2 Deralo lidzachitadi maluwa.+Lidzasangalala ndipo lidzafuula chifukwa cha chisangalalo.
Lidzapatsidwa ulemerero wa Lebanoni,+Kukongola kwa Karimeli+ ndiponso kwa Sharoni.+
Anthu adzaona ulemerero wa Yehova ndi kukongola kwa Mulungu wathu.
3 Limbitsani manja ofookaKomanso mawondo amene akugwedera.+
4 Amene ali ndi nkhawa mumtima mwawo muwauze kuti:
“Limbani mtima. Musachite mantha.
Chifukwa Mulungu wanu adzabwera nʼkudzabwezera adani anu.Mulungu adzabwera kudzapereka chilango.+
Iye adzabwera ndipo adzakupulumutsani.”+
5 Pa nthawi imeneyo, maso a anthu amene ali ndi vuto losaona adzatsegulidwa,+Ndipo makutu a anthu amene ali ndi vuto losamva adzayamba kumva.+
6 Pa nthawi imeneyo, munthu wolumala adzadumpha ngati mmene imachitira mbawala,+Ndipo lilime la munthu wosalankhula lidzafuula mosangalala.+
Mʼchipululu mudzatumphuka madzi,Ndipo mʼdera lachipululu mudzayenda mitsinje.
7 Malo ouma chifukwa cha kutentha adzakhala dambo la madzi,Ndipo malo aludzu adzakhala ndi akasupe amadzi.+
Mʼmalo amene mimbulu inkakhala,+Mudzakhala udzu wobiriwira, bango ndi gumbwa.*
8 Kumeneko kudzakhala msewu waukulu+Inde msewu umene udzatchedwe Msewu Wopatulika.
Munthu wodetsedwa sadzayenda mumsewu umenewo.+
Amene adzayendemo ndi munthu yekhayo amene ali woyenerera.Palibe munthu wopusa amene adzayende mumsewu umenewo.
9 Mmenemo simudzakhala mkangoNdipo nyama zolusa zakutchire sizidzafikamo.
Nyama zotere sizidzapezekamo.+Anthu okhawo amene anagulidwanso ndi amene adzayende mumsewuwo.+
10 Anthu amene Yehova anawawombola adzabwerera+ ndipo adzafika ku Ziyoni akufuula mosangalala.+
Chisangalalo chosatha chidzakhala ngati chisoti chachifumu kumutu kwawo.+
Adzakhala okondwa ndi osangalalaNdipo chisoni ndi kubuula zidzachoka.+
