GALAMUKANI! Na. 2 2018 | Mfundo 12 Zothandiza Kuti Banja Liziyenda Bwino

YAMBANI

Onetsani Kaonekedwe ka Mawu Bisani Kaonekedwe ka Mawu

Mfundo 12 Zothandiza Kuti Banja Liziyenda Bwino

Nthawi zambiri timamva nkhani zosiyanasiyana zomwe zimasokoneza mabanja. Magaziniyi ikufotokoza zimene anthu ena achita kuti mabanja awo aziyenda bwino.

Zaka zapakati pa 1990 ndi 2015, ku United States, chiwerengero cha mabanja omwe anatha chinawirikiza kawiri kwa anthu a zaka zoposa 50 ndipo chinawirikiza katatu kwa anthu a zaka zoposa 65.
Makolo ambiri asokonezeka chifukwa akatswiri ena amawauza kuti nthawi zonse aziyamikira ana awo. Pomwe ena amawauza kuti mwana amafunika kumuikira malamulo okhwima.
Achinyamata ambiri akukula asanaphunzire luso lililonse lomwe lingadzawathandize m’tsogolo.

Komabe zoona ndi zakuti . . .

N’zotheka kukhala ndi banja losangalala komanso kwa moyo wonse.
Makolo angakwanitse kulangiza ana awo mwachikondi.
Achinyamata akhoza kuphunzira luso linalake lomwe lingadzawathandize akadzakula.

Kodi zimenezi zingatheke bwanji? Werengani Galamukani! iyi kuti mupeze mfundo 12 zothandiza kuti banja liziyenda bwino.

1: Kukhulupirika

Werengani nkhaniyi kuti mupeze zinthu zitatu zomwe zingathandize mwamuna ndi mkazi wake kuti azikondana.

2: Kuchita Zinthu Mogwirizana

Kodi inuyo ndi mwamuna kapena mkazi wanu mumangokhala ngati anthu okhalira limodzi basi?

3: Kulemekezana

Werengani nkhaniyi kuti mudziwe mawu abwino omwe mungalankhule komanso zinthu zomwe mungachite kuti mwamuna kapena mkazi wanu azidziwa kuti mumamulemekeza.