KHALANI MASO Yambani Chaka cha 2023 Muli Ndi Chiyembekezo—Kodi Baibulo Limanena Zotani? YAMBANI Yambani Chaka cha 2023 Muli Ndi Chiyembekezo—Kodi Baibulo Limanena Zotani? Pepani, zalephereka. Koperani Vidiyoyi Onetsani Kaonekedwe ka Mawu Bisani Kaonekedwe ka Mawu Pamene tangolowa kumene m’chaka cha 2023, tonsefe tili ndi chiyembekezo chakuti zinthu zizitiyendera bwino limodzi ndi mabanja athu. N’chifukwa chiyani tiyenera kukhala ndi chiyembekezo? Baibulo limatipatsa chiyembekezo Baibulo limatiuza uthenga wabwino wakuti mavuto amene tikukumana nawo panopa ndi akanthawi ndipo posachedwapa athetsedwa. Ndipotu Baibulo ‘linalembedwa kuti litilangize. Malembawa amatipatsa chiyembekezo . . . ndiponso amatilimbikitsa.’—Aroma 15:4. Kuti mudziwe zambiri zokhudza zimene Baibulo limatilonjeza, werengani nkhani yakuti, “Tiziyembekezera Kuti Zinthu Zidzakhala Bwino M’tsogolo.” Chiyembekezo chomwe chingakuthandizeni panopa Chiyembekezo cha m’Baibulo “chili ngati nangula wa miyoyo yathu.” (Aheberi 6:19, mawu am’munsi) Chiyembekezo chimenechi chingatithandize kuti tisamatekeseke. Chimatithandiza kuti tizitha kupirira mavuto, tiziona zinthu moyenera ndiponso kuti tidzakhale osangalala mpaka kalekale. Mwachitsanzo: Onani mmene chiyembekezo cha m’Baibulo chinathandizira bambo wina yemwe ankavutika kusiya khalidwe loipa. Onerani vidiyo yakuti, Khalidwe Langa Loipa Linanditopetsa. Onani mmene chiyembekezo cha m’Baibulo chingatithandizire anthu omwe timawakonda akamwalira. Onerani vidiyo yakuti, Uthenga Wotonthoza Anthu Omwe Aferedwa. Muzilimbitsa chiyembekezo chanu Anthu ambiri amafuna zinthu zabwino zitachitika, koma sakhulupirira ndi mtima wonse kuti zidzachitikadi. Koma zimene Baibulo limalonjeza n’zosiyana ndi zimenezi. N’chifukwa chiyani tikutero? Chifukwa malonjezo a m’Baibulo ndi ochokera kwa Yehova Mulungu a mwiniwake, “amene sanganame.” (Tito 1:2) Ndi Yehova yekha amene ali ndi mphamvu zokwaniritsa malonjezo ake onse; iye amatha kuchita ‘chilichonse chimene . . . akufuna kuchita.’—Salimo 135:5, 6. Tikukulimbikitsani kuti muphunzire zokhudza chiyembekezo chodalirika cha m’Baibulo. Mungathe kulimbitsa chiyembekezo chanu mwa “kufufuza Malemba mosamala.” (Machitidwe 17:11) Pemphani kuti muyambe kuphunzira Baibulo kwaulere mothandizidwa ndi munthu wina wa Mboni Yehova. Yambani chaka cha 2023 muli ndi chiyembekezo cha tsogolo labwino! a Yehova ndi dzina lenileni la Mulungu.—Salimo 83:18. Nkhani Zina Mavidiyo Othandiza Kumvetsa Mfundo Zofunika za M’baibulo Mwina Mungakondenso Kudziwa Izi GALAMUKANI! Zimene Mlengi Wathu Amatiphunzitsa Zimatipatsa Chiyembekezo Tiyeni tione malonjezo ena osangalatsa amene amatitsimikizira za zinthu zimene zichitike posachedwapa. ESSENTIAL BIBLE TEACHINGS N’chifukwa Chiyani Mulungu Analenga Dziko Lapansi? Padziko lapansili pali zinthu zambiri zokongola. Mulungu anaika dzikoli pamalo abwino kwambiri kuchokera pamene pali dzuwa ndipo limazungulira pa liwiro labwino. N’chifukwa chiyani Mulungu analenga dziko lapansili mwanjira imeneyi? Sindikizani Patsani ena Patsani ena Yambani Chaka cha 2023 Muli Ndi Chiyembekezo—Kodi Baibulo Limanena Zotani? KHALANI MASO Yambani Chaka cha 2023 Muli Ndi Chiyembekezo—Kodi Baibulo Limanena Zotani? Chinenero Chamanja cha ku Malawi Yambani Chaka cha 2023 Muli Ndi Chiyembekezo—Kodi Baibulo Limanena Zotani? https://cms-imgp.jw-cdn.org/img/p/501100062/univ/art/501100062_univ_sqr_xl.jpg mrt 69