Pa 27 January 2023, anthu ambiri padziko lonse adzachita mwambo wokumbukira kuphedwa kwa Ayuda ambirimbiri mu ulamuliro wa nkhanza wa chipani cha Nazi (International Holocaust Remembrance Day). Tsopano patha zaka zoposa 75 chichitikireni zinthu zoopsazi. Koma mwina mungafunse kuti, n’chifukwa chiyani Mulungu analola kuti zimenezi zichitike?
Anthu a mtundu wa Chiyuda ndi amene anavutika kwambiri chifukwa cha nkhanza zimenezi ndipo anthu mamiliyoni anaphedwa mwadala. Nkhanzazi sizinakhudze Ayuda okha. Magulu enanso a anthu anazunzidwa komanso kuphedwa. Ena mwa anthuwa anali a Mboni za Yehova omwe anazunzidwa chifukwa cha zimene amakhulupirira m’Baibulo.