“¡Ja Diossen joi ninkataanan, jan yoiai keskati jakanabokaya, Diossen raroshaman imabanon!” (Lucas 11:28, DIOSSEN JOI, jatíxonbi onanti joi).

Non merai kai ikon noimis (Efesios 5:28, 29).

Jatíbitian jakonax jakannoxiki (Efesios 5:33).

Non masá shinanyamanoxiki (Marcos 10:6-9).

Rabé jawéki kopi:

• Diossen aká iki westíora benbo itan westíora ainbo jaskaaxon jato wanoma iki. Bibliain yoiai “jatíbi ikábaon Papa” Jeoba Dios (Efesios 3:14, 15). Non kaibobo jakanke Jeoban aká kopi. ¿Jawekopiki jakonhira iki non onanti neskara jawékibo?

  Shinanwe nato: Mia iti atipanke noeshaman piti jawékiaki, ¿Miaki onankastima iki jawekeskaaxon akanarin ixon? ¿Tsoaki min yokáti iki? Ja joni jan yoaaka.

  Jaskáribiakin ati iki non onankaskin jawekeskataxki non kaibo betan noa raroshaman jati iki ixon, Jeoba non yokáti jake (Génesis 2:18-24).

• Diossen noa noike. Mia itan min kaibobaon Bibliain benati jake Jeobakan noa eseai, “janra matoakin shinankin jeneyamai” (1 Pedro 5:6, 7 DIOSSEN JOI, jatíxonbi onanti joi). Jeoba keenai noa jakonax jakanti itan jawen esébora jakonhirabo iki (Salmo 1:1-3; Proverbios 3:5, 6).