“Dios [...] jatíbi jaton beonbo soaxononxiki jainoax mawátibo moa yamati iki, nin winiananbi yoyo itibo moa yamanoxiki, nin chexakaatiboribi moa yamanoxiki” (Apocalipsis 21:3, 4, DIOSSEN JOI, jatíxonbi onanti joi).

Non onani kai Diossen noa onitsapimayamai (Santiago 1:13).

Non koshi shinan biai Diossen noa onitsapitai onanketian (Deuteronomio 32:10).

Noa manatia iki jawenbi noa onitsapimayamai kai (Salmo 37:9-11).

Rabé jawéki kopi:

• Diosra onisai noa onitsapitaitian. Moatian jawen jema jakonmayonkanaitian non lbo Jeoba kikini onisa iki. Jakopi jato noibatitaitian ninkáxon jato akina iki (Jueces 2:18).

  Diosra keenyamai jonibaon onitsapimati wetsa jonibo. Bibliainra yoiai Diossen kikinhakin “omisai yankabires jato reteai joni” (Proverbios 6:16, 17).

• Diossenra jatíbi jonibo noike. Shinanyamawe mia onitsapitai itan chexakaatai jawékibo minbicho onana, Jeobanbichokaira kikinhakin onanke noa meskó jawéki winotaibo (1 Pedro 5:7).

  Jeoban keyonoxiki jan noa onitsapimai jawékibo (Mateo 6:9, 10). Ikaxbi ramatian Jeoban jawen joi akaibo jato akinai itan jato koshi shinan meniai (Hechos 17:27; 2 Corintios 1:3, 4).