AMAHUGÛLO G’AMANDIKO G’EBIBLIYA
Abaroma 10:13—‘Ohamagale Izino lya Nyakasane’
“Ngasi muntu ohamagala izino lya Yehova ayish’icunguka.”—Abaroma 10:13, Biblia—Tafsiri ya Ulimwengu Mupya.
“Ngasi muntu ohamagala izino lya Nyakasane ayish’icunguka.”—Abaroma 10:13, King James Version.
Amahugûlo g’Olwandiko lw’Abaroma 10:13
Nnâmahanga arhajira kabôlo, ahîre abantu boshi obulyo bw’okuyish’icunguka n’okuba n’obuzine bw’ensiku n’amango, babe b’ishanga lihi, b’irangi lici ly’omubiri, erhi babe bakenyi erhi bagale, basomire erhi barhasomaga. Cikone, lyo rhuyunguka n’obo bulyo, rhukwanine rhuhamagale izino lya Yehova, k’okuderha izino lya Nnâmahanga Ogala-Byoshi. *—Ennanga 83:18.
Omu Bibliya, oluderho “okuhamagala izino lya Yehova” luhugwîre binji kulusha okumanya izino lya Nnâmahanga n’okulikolesa omu nterekêro yirhu. (Ennanga 116:12-14) Luhiziremwo okulangalira Nnâmahanga n’okumuhûna oburhabale.—Ennanga 20:7; 99:6.
Yezu akag’ibona oku izino lya Nnâmahanga liri lya bulagirire. Omu binwa birhanzi by’isala ly’olwiganyo ahânaga, aderha ntya: “Larha, oli omu mpingu, izino lyawe likuzibwe,” erhi licesibwe. (Mateyo 6:9) Kandi Yezu ayerekine oku rhukwanine rhumanye, rhurhumikire, n’okuzigira Omuntu ohamagalwa kw’er’izino lyo rhuyish’iba n’obuzine bw’ensiku n’amango.—Yowane 17:3, 6, 26.
Gurhi rhumanyiremwo oku Yehova ye “Nyakasane” badesire omu lwandiko lw’Abaroma 10:13 omu King James Version? Rhumanyire ntyo bulya olo lwandiko lugalukire ebinwa biri omu Yoweli 2:32. Muli olo lwandiko, izino lya Nnâmahanga liri omu mandishi marhangiriza g’Ecihabraniya, cikone arhali izino ly’eceyo “Nyakasane.” *
Akanga Ebinwa Biri omu Abaroma 10:13 Byaderhagwamwo
Omu Abaroma cigabi ca 10, Ebibliya eyerekine oku, ly’omuntu aba n’obwîra bwinja haguma na Yehova, ashinganine abe n’obuyemere muli Yezu Kristu. (Abaroma 10:9) Ezo ntanya ziyerekinwe omu mandiko manji g’Endagano ya Mîra. Omuntu anayerekane obuyemere kugerera ‘obuhamirizi bw’akanwa’ buhiziremwo okuyigiriza abantu barhali bemezi okubiyerekire obucunguke. Oko kunarhabale abandi babe n’obulyo bw’okuba n’obuyemere bwayish’ibahashisa babe n’obuzine.—Abaroma 10:10, 14, 15, 17.
Osome Abaroma cigabi ca 10 n’amahugûlo g’idako, n’ezindi referanse z’amandiko.
^ Izino lya Nnâmahanga liri kali 7 000 omu mandishi marhanzi g’Ebibliya. Omu Cihabraniya, izino la Nnâmahanga linayandikwe na herufi ini, ziderhwa Tetragrame. Omu Mashi, linalug’ihindulwa “Yehova;” cikone basomi baguma na baguma banalihindule “Yahweh.”
^ Nkaba Abandishi Bakristu b’Ebibliya bakolesize izino lya Nnâmahanga erhi bakagalukira amandiko g“Endagano ya Mîra” gali mw’er’izino. Diksionere nguma y’Ebibliya (The Anchor Bible Dictionary) edesire ntya: “Hali ebiyerekine oku Etetragrame, Izino lya Nnâmahanga, Yahweh, yali omu mandiko maguma maguma, erhi mandishi goshi g’Endagano ya Mîra gajire omu Ndagano Mpyahya amango bayiyandikaga oburhangiriza.” (Ibugu 6, bukurasa bwa 392) Ly’omanya binji, olole e Nyongeza A5 “Jina la Mungu Katika Maandiko ya Kigiriki ya Kikristo” omu Biblia—Tafsiri ya Ulimwengu Mupya. E Nyongeza C2 eri omu Biblia—Tafsiri ya Ulimwengu Mupya y’Ifunzo (omu Cingerereza) eyerekine eliste y’Ebibliya zikolesize izino lya Nnâmahanga omu Abaroma 10:13.
Olole n'Ebi Bikulikire
AMASHUZO G’EBIBLIYA
Mazino Anga Nnâmahanga Ajira?
Abantu banarhanya mpu Nnâmahanga ajira mazino manji, kwa lwiganyo ‘Allah,’ ‘Alfa na Omega,’ ‘El Shaddai,’ na ‘Yehova-Jire.’ K’oku rhuhamagala Nnâmahanga kuli kwa bulagirire?
AMAHUGÛLO G’EMILONGO Y’EBIBLIYA
Amahugûlo g’Olwandiko lwa Izaya 42:8—“Nie NYAKASANE”
Izino lihi Nnâmahanga acihire yene?
ENYIGIRIZO Z’EBIBLIYA
Ebikolanwa by’Okuyiga Ebibliya
Ocishoge ebi wayiga omu Ebibliya byakakurhabala ogendekere wayiga n’okushagalukira ebi oli wayiga.
ENYIGIRIZO Z’EBIBLIYA
Oyige Ebibliya Haguma na Nirhu
Oyige Ebibliya omukuganira buzira kulipa kantu koshi-koshi.
