Bantu banji badosa ago madoso banabe erhi barhindibusire enyanya z’okuheza abazigirwa babo, n’omu ntyo arhali mashuzo gone bakalonza cikoki burhulirize. Abandi banabone nka Bayahudi banji banigagwa bulya amabi ga bene bantu garhalusire olugero, kandi banabone nka barhakahasha okulangalira Nnâmahanga.

 Okuli: Abantu ba mîra bagwerhe obuyemere buzibu bakag’icidosa bulya gurhi Nnâmahanga alesire amabî gahabe. Kwa lwiganyo, omulebi Habakuki adosagya ntya: “Bulya gurhi olekerire obuminya, okurhakeng’amarhegeko, obunizi, n’entambala bigandâze ngasi hoshi?” (Habakuki 1:3, Contemporary English Version) Ahali h’okukalihira Habakuki, Nnâmahanga ayandikisize amadoso adosagya omu Bibliya lyo gasomwa n’abantu boshi.

 Okuli: Nnâmahanga anashombe amaligo n’amalibuko goshi galerhwa n’amaligo. (Emigani 6:16-19) Omu mango ga Nuhu, Nnâmahanga “alumwa bwenene omu murhima gwage” bulya amabî gali landîre omu igulu lyoshi. (Omurhondêro 6:5, 6) Buzira karhinda, kandi Nnâmahanga aciyumvirhe kubi bwenene okubona Bayahudi banji banigagwa.​—Malakiya 3:6.

 Okuli: Kobinali Nnâmahanga alesire evile y’e Yeruzalemu esherezibwe n’Abaroma omu myaka igana mirhanzi. (Mateyo 23:37–24:2) Cikoki, kurhangira ago mango, Nnâmahanga arhacicishoga obûko bw’ishanja lilebe mpu lyo alijirira ecijiro cago-cago erhi ly’aliha obuhane. Kuli Nnâmahanga, “harhali lubero omu Bayahudi n’omu barhali Bayahudi.”​—Abaroma 10:12, Mashi Bible.

 Okuli: Ciru akaba arhali Nnâmahanga olerha amalibuko, hali amango agaleka gahikirire kasanzi kalebe.​—Yakobo 1:13; 5:11.

 Ecarhumaga Nnâmahanga aleka Bayahudi banji banigwe co canarhumaga aleka amalibuko goshi ga bene bantu gagendekere; kuli kuderha okukubûla amazibu g’olugenzi gazusibagwa kurhenga mîra. Ebibliya eyerekine n’obwalagale oku muli gano mango girhu Shetani yeri arhegeka igulu, ci arhali Nnâmahanga. (Luka 4:1, 2, 6; Yowane 12:31) Hali bintu bibirhi by’obulagirire kurhenga omu Bibliya byakarhurhabala rhuhugûkwe bulya gurhi Nnâmahanga alekaga Bayahudi banji banigwe.

1.   Erhi Nnâmahanga alema abantu abaha oluhûma lw’okucishoga. Nnâmahanga abwizire abantu barhangiriza, Adamu na Eva, ebi ali lonzize bakajira, cikoki arhabasezegya mpu lyo bamukenga. Bahiga okucishoga bonene ebinja n’ebibi, kandi okucishoga kwabo kubi​—n’oku abantu bajire bacishoga kubi kuhika buno​—kwalerhire bene bantu mazibu manji garhankaderhwa. (Omurhondêro 2:17; 3:6; Abaroma 5:12) Ko biri nk’oku ecitabu Énoncé des principes du judaïsme conservateur (angl.) cidesire: “Malibuko manji gali omu igulu gadwirhwe bwenene n’okukolesa kwirhu kubi oluhûma lw’okucishoga rhwahâbirwe.” Ahali h’okurhunyaga oluhûma lwirhu lw’okucishoga, Nnâmahanga alekire bene bantu akasanzi lyo baciseza bayerekane oku bakamalamwo amazibu gabo buzira burhabale bwage.

2.   Nnâmahanga agwerhe obuhashe bw’okuyusa ngasi mazibu gadwirhwe n’okunigwa kwa Bayahudi banji, ko ananayish’ijira ntyo. Nnâmahanga alaganyize oku ayish’îfûla emiliyoni y’abantu bafîre, bahiziremo Bayahudi banji banigagwa. Kandi ayish’iyusa amalumwa Abantu bafulumukaga erhi Bayahudi banji banigwa bayumva enyanya z’okukengera ebijiro by’okuyobohya baciboneraga. (Izaya 65:17; Ebijiro by’Entumwa 24:15) Obuzigire Nnâmahanga ajira oku bantu burhuyemezize n’obwalagale oku ayish’ihikiriza eco ciragane.​—Yowane 3:16.

 Bayahudi banji banigagwa n’abafulumusire obo bunizi bagwerhe obuhashe bw’okuseza obuyemere bwabo omu kuhugûkwa bulya gurhi Nnâmahanga alesire amabî gagendekere na gurhi arhozire omuhigo gw’okuyusa amazibu gadwire.