Ibilisi ciba ciremwa ca kiroho, oko kw’okuderha oku arhajira mubiri gwa nyama gwakabonekana n’amasu.​—Abefezi 6:11, 12.

 Kanji-kanji abantu banakacapa Ibilisi nka ciremwa cishushire ecibuzi cigwerhe amahembe n’omucira, anafumbirhe omurhi muliri guli nka mino ga nfuka ya nkanya. Bantu banji banakaderha oku oko kumucapa ntya kukola kugwerhe myaka 1 000 kurhondezibwe n’abantu bakagishumibwa n’endibi z’obunywesi za mîra.

•  Bici Ebibliya edesire lugenda Ibilisi?

•  Amandiko g’Ebibliya gaganirire Ibilisi

 Ebibliya ekolesize nyiganyo nyinji ziyerekine Ibilisi ye ndi. Ezo nyiganyo zirhurhabire rhuhugûkwe oborhere bwage ci arhali oku ayorha. Ezo nyiganyo zihiziremo:

•   Malahika wa bumoleke. Anakalonza abantu bakulikire enyigirizo zage omu kubayereka nk’ali abajirira ebintu binja na ntyo abajire barhacikulikiraga enyigirizo za Nnâmahanga.​—2 Abakorinti 11:14.

•   Ntale yaluluma. Anakalibuza abakozi ba Nnâmahanga bwenene.​—1 Petro 5:8.

•   Nkuba-joka. Anakayobohya, ajira emisi, na kandi anakashereza.​—Amafulûlo 12:9.