Neci, ho Ibilisi aba. Ye “mwami w’er’igulu,” ciremwa c’ekiroho cahikiraga aha caba cibi canagomera erhi kuhagalika Nnâmahanga. (Yowane 14:30, Mashi Bible; Abefezi 6:11, 12) Ebibliya eyerekine obumuntu bwa Ibilisi kugerera aga mazino gakulikire:

•   Shetani, k’okuderha “Mugoma.”​—Ayubu 1:6.

•   Ibilisi, k’okuderha “Kakoza.”​—Amafulûlo 12:9.

•   Wanjoka, liri izino likolesibwa omu Bibliya lihugwîre “Mwenge-hushu.”​—2 Abakorinti 11:3.

•   Wakuhira abandi omu marhangulo.​—Mateyo 4:3.

•   Munywesi.​—Yowane 8:44.

Ibilisi karhaba kanuni erhi borhere bulebe bubi

 Bantu baguma na baguma banarhanye oku Shetani Ibilisi kaba kanuni erhi borhere bw’amabi buba omu kandalala kirhu. Cikone Ebibliya eyerekine enshambalo Shetani na Nnâmahanga bajiraga. Nnâmahanga aba mwimana, co cirhumire arhakaganizize cigabi cage cilebe cibi. (Olushika 32:4; Ayubu 2:1-6) Ko n’oko, Shetani ahizire Yezu omu marhangulo, n’obu Yezu arhalimo caha. (Mateyo 4:8-10; 1 Yowane 3:5) Co cirhumire Ebibliya eyerekine oku ho Ibilisi aba ci burhaba bubi burhuba ekandalala.

 Ka rhwanasomerwa okubona bantu banji barhaba bayemire oku ho Ibilisi aba? Nanga ciru n’ehitya, bulya Ebibliya edesire oku Shetani anakolese obwenge-hushu ly’ahikiriza emihigo yage. (2 Abatesalonika 2:9, 10) Obwenge-hushu alug’ikolesa kuba kuhûsa obukengere bw’abantu lyo barhag’imanya oku ho aba.​—2 Abakorinti 4:4.

 Okuli: Oluderho lw’Ecihabraniya Bibliya nyinji zahindwire “Lusifero” luba luhugwîre “cilangashana.” (Izaya 14:12) Eyindi milongo ya mw’eco cigabi eganirire abami b’e Babiloni, Nnâmahanga akarhohize enyanya z’obucibone bwabo. (Izaya 14:4, 13-20) Oluderho “cilangashana” lwakolesibwe omukushekera mwami w’e Babiloni enyuma z’okuhwa kw’Obwami bwage.

 Okuli: Ibilisi aba mushombanyi wa Nnâmahanga, arhaba mukozi wage. Shetani Ibilisi anakahagalika abakozi ba Nnâmahanga n’okubakoza.​—1 Petro 5:8; Amafulûlo 12:10.