Bantu banji bajîre omu buhya bajira amazibu g’okuganîra ciru akaba banakageza akasanzi haguma. Bici bilerha ago mazibu?

•  Okuba haguma erhi murhanali haguma, bulya gurhi?

•  Ebi mwakajira

•  Ebi abarhôline badesire

•  Ebyakamurhabala lyo mukaganîra

•   Omurhamo

   “Amango biba bihûnyire rhugeze akasanzi haguma, ibanie anabe arhamire bwenene erhi nie. Amango ntamire nankagayira busha. Omu ntyo rhunashagalukire okulola eteleviziyo.”—Anna.

•   Okucishagalusa omu kukolesa ebyombo by’ecielektroniki

   “Kanji-kanji erhi ibanie arhenga oku kazi anakalug’igeza kasanzi kanji omu by’okucishagalula. Anakalonza akasanzi k’okuba yene bulya anakakola bwenene. Cikone mba ndonzize rhukageza kasanzi kanji haguma.”—Jane.

•   Okushagalukira ebintu biri lubero

   “Kanji-kanji erhi ibanie arhenga oku kazi anakalug’igeza kasanzi kanji omu by’okucishagalula. Anakalonza akasanzi k’okuba yene bulya anakakola bwenene. Cikone mba ndonzize rhukageza kasanzi kanji haguma.”—Jane.

•   Akazi

   “Enyanya z’eteknoloji akazi kakola kakulikira omuntu eka. Kanji-kanji nkola nkabona ndi nashuza oku ma mesaje gayerekire akazi amango nakagezize akasanzi haguma na mukanie.”—Mark.

•   Okabona akasanzi mugeza haguma oku kali ka bulagirire ci arhali ka kucishagalula kone.

   Akanuni k’Ebibliya: “Mumanyirire ebintu by’obulagirire bwenene.”—Abafilipi 1:10, NWT.

   Ebi wakarhanyako: K’ebijiro byawe binayerekane oku obuhya bwawe bo buba bwa bulagirire bwenene kulusha omukolo gwawe n’eby’okucishagalula? K’onageze akasanzi haguma na balo erhi mukawe n’okumushibirira bulya orhacigwerhi eby’okujira?

   Ihano: Orhalekaga okukageza akasanzi haguma na balo erhi mukawe kukahika ntya-ntya kone. Okapanga akasanzi k’okukageza haguma na balo erhi mukawe buzira kuleka ebindi bintu bikuhêke obwenge.

   “Nanshagaluke erhi ibanie akapanga kantu kalebe rhwajira rhwe naye rhwene. Oko kunarhume naciyumva oku ndi wago-wago, na kandi kunanyemeze n’obwalagale oku asima okugeza akasanzi haguma na nani. N’oko kunarhume namusîma bwenene.”—Anna.

•   Ociyigirize okukabwira ebyombo byawe by’ecilektronike erhi, “nanga ntakukolese buno.

   Akanuni k’Ebibliya: “Ngasi kantu kajira amango gako.”—Omuhanûzi 3:1.

   Ebi wakarhanyako: Ka kanji-kanji erhi bakakurhumira emesaje erhi etelefone yawe elake, k’onaleke okushibirira balo erhi mukawe?

   Ihano: Mujire okwinyu koshi lyo mukalya haguma ciru liguma omu lusiku, n’okuleka etelefone zinyu omu cindi cumpa. Okulya haguma kwanarhuma mwaba n’obulyo bwinja bw’okuganirira ebyagezire omu mulegerege.

•   Nka bihashikine, mwanagenda hantu halebe haguma erhi kujira emikolo y’omu nyumpa haguma.

   Akanuni k’Ebibliya: “Abantu babiri bali bakolera haguma bo bakulu kulusha omuntu muguma, bulya banabone bunguke burhali bunyi omu mikolo yabo.”—Omuhanûzi 4:9, Mashi Bible.

   Ebi wakarhanyako: Ka kanji-kanji we na mukawe, ngasi muguma anagende kwage amango mwaja hantu halebe?

   Ihano: Mukakola haguma omu cinyabuguma, n’okurhabalana ciru n’omu mikolo erhahûnyiri okujirwa na bantu babirhi.

   Ahali h’okukabona okugula ebintu, okushuka ebirugu, okukunja emishangi n’okucesa ahaka nka mikolo kone, mukayibona nka bulyo bwinja bw’okukageza akasanzi haguma.”—Nina.

•    Obe wa lugero okubiyerekire ebi olonza balo erhi mukawe ajire

   Akanuni k’Ebibliya: “Oborhere bwinyu bw’okuba ba lugero bumanyikane.”—Abafilipi 4:5, NWT.

   Ebi wakarhanyako: Gurhi wakayerekanamwo oku oli wa lugero okubiyerekire ebi olonza balo erhi mukawe ajire?

   Ihano: Mukaganira haguma, na ngasi muntu ahugûkwe amalagirire g’owabo. Muhige gurhi mwakakakolesa akasanzi kinyu lyo kamushagalusa mwembi, na ngasi muguma alunge okuboko ogo muhigo.

   “Ibanie ajira misi minji, cikone niehe mba muzamba-muzamba. Kanji-kanji namubwire aj’icilambagiza n’okucishagalusa na kandi namubwire oku rhwabonana hano agaluka. Amango ajire oku sport, nambêre ahaka lyo ntamûka. Rhweshi rhunaciyumve bwinja bulya ngasi muguma anajijire ebi alagirireko.”—Daniela.

 Burhangiriza, ngasi muguma winyu anarhanya kw’aga madoso. Buzinda, mwanaganirira amashuzo ngasi muguma anabwine.

•    Okubiyerekire okugeza akasanzi haguma, k’orhanyize oku obwîra bwinyu buli bwinja muli gano mango?

•   Ka wanavuga balo erhi mukawe omunkwa muli oko?

•   Majambere gahi wakalonza obone?

•   Ka kanji-kanji ebyombo by’ecielektroniki binarhume orhayumvirhiza ebi balo erhi mukawe ali aderha?

•   Gurhi mwembi mwakayerekanamwo oku muli ba lugero okubiyerekire ebintu mulonzize ngasi muguma winyu ajire?

•   Mpindûlo zihi ngasi muguma winyu akajira ogu mugobe lyo mugeza kasanzi kanji haguma buzira kuhêkwa obwenge?