ILABIRO LY'AKALALIZI—GAZETI Y'OKUYIGA Mwezi gwa 6, 2020
Omu muli emyanzi y’okuciyigiriza kurhangira Nsiku 3-30/8/2020.
“Izino Lyawe Licesibwe”
Ecigabi c’Okuyiga nomero 23: Nsiku 3-Nsiku 9, z’omwezi gwa Munani 2020. Idoso lihi liri lya bulagirire kuli bene bantu na bamalahika? Bici birhumire er’idoso lihumire oku kalamo kirhu na kunganaci er’idoso lirhuyerekire? Okuhugukwa ishuzo kw’er’idoso ly’obulagirire n’agandi madoso kwanarhurhabala rhuzibuhye obwîra bwirhu haguma na Yehova.
“Ojire Omurhima Gwani Gukayoboha Izino Lyawe”
Ecigabi c’Okuyiga nomero 24: Nsiku 10-Nsiku 16, z’omwezi gwa Munani 2020. Mw’eci cigabi, rhwaganirira ebi Daudi omw’isala lyage emwa Nnamahanga. Ennanga 86:11, 12. Oku yoboha izino lya Yehova kw’okuderha gurhi? Bulya gurhi rhukwaninine okuboha erhi kuba n’obukenge mw’er’izino likulu na gurhi okuyoboha elyo izino kwakarhurhabala rhurhalekaga rhwaja omu mashumi?
Amadoso g’Abantu basoma Ebitabu Birhu
K’ebigabi b’ilehe l’iroho litagatifu biri biganirire omu lwandiko lwa Abagalasiya 5:22, 23 byone bigabi “b’ilehe l’iroho litagatifu?”
“Nashibirira Ebibuzi Byani”
Ecigabi c’Okuyiga 25: Nsiku 17-Nsiku 23, z’omwezi gwa Munani 2020. Bulya gurhi bantu baguma na baguma bakoleraga Yehova mîra kwa mika minji bahikire aha bayaka ecigamba? Gurhi Nnamahanga aciyumva erhi abona ntyo? Eci cigabi cashuza kw’ago madoso. Cashub’irhuhugûlira ebi rhwaakaciyigiriza lugenda oku Yehova arhabalaga bakozi bage baguma na baguma ba bw’omu mango gw’Ebibliya bahikiraga aha baciyegula kuli n’enjira yage.
“Mugaluke Emunda Ndi”
Ecigabi c’Okuyiga 26: Nsiku 24-Nsiku 30, z’omwezi gwa Munani 2020. Yehova aba alonzize balya boshi barhacishibirira emikolo y’ecigamba bamugalukire. Rhwanaha omurhima balya boshi balonzize okuyemera omulali gwa Yehova gudesire ntya: “Mugaluke emunda ndi.” Mw’eci cigabi, rhwabona gurhi rhwakajira lyo rhubarhabala bagalukire Yehova.
