Bene wirhu na bali birhu banji banakolese emyanzi eyerekinwe oku bukurasa bw’omurhondero bw’esite yirhu jw.org omu mukolo gw’amahubiri. Kuba kulembu okurhumirana eyo myanzi omu njira y’ecielektroniki, na kanji-kanji enahugûle gurhi ebiri byajirikana omw’igulu biri byahikiriza obulebi bw’Ebibliya. Nk’oku mwene wirhu muguma anayandikaga, emyanzi eyerekanwa oku bukurasa bw’omurhondero gw’esite yirhu enabe “kobinali yo rhunalagirireko lyo rhujira omukolo gwirhu gw’amahubiri omu njira gushinganine gujirwemwo ene.”

Cikone emyanzi eyerekanwa kw’obo bukurasa bw’omurhondero enashanje kanji-kanji, gurhigi wakabonamwo emyanzi erhaciyerekinwiko?

• Oku bukurasa bw’omurhondero bw’esite yirhu jw.org, oyigule e lien edesire “Obone Myanzi Minji” hofi n’omurhondero gw’obo bukurasa. Eyo lien enayigule obukurasa budesire “Emyanzi Yazindig’iyerekanwa oku Bukurasa bw’Omurhondero,” kw’obo bukurasa wabona myanzi minji y’omu myanzi yacizindig’iyerekanwa oku bukurasa bw’omurhondero.

• Oku jw.org erhi oku JW Library^®, oyigule aha bayandisire “Bibliothèque,” enyuma z’aho oyigule “Rubriques,” na buzinda oyigule “Eyindi Myanzi.” Eco cigabi cirimwo myanzi minji y’omu myanzi yayerekinwe oku bukurasa bw’omurhondero.