Ababusi bagwerhe omukolo muzirho gw’okuyigiriza abana babo lugenda Yehova. (Ef. 6:4) Ikubuliro lya Yehova lyacapisize myanzi minji bwenene yakarhabala ababusi. Gurhi wakayikolesamwo ly’oyigiriza abana bawe?

• Olonze eyo myanzi. Oku JW.ORG kuli emyanzi yoshi yacapisibwe ly’erhabala abana, ehiziremwo video nyinji n’orhuratasi bakayandikirako erhi kucapirako. a Ly’obona eyo myanzi, oyandike oluderho “Abana” erhi “Abana b’omushuko” ahantu h’okujirira obusagasi.

• Ocishoge omwanzi gwakarhabala omwana wawe. Emyanzi eri omu cigabi cidesire “Abana” yanakurhabala ocishoge emikolo wakaha omwana wawe. Ly’obona emyanzi ya ntyo, olonze ecigabi cidesire “Utendaji Mbalimbali Wakati wa Ibada ya Familia.”

• Okaciha akasanzi k’okuganirira eyo myanzi haguma n’abana bawe. Oyake okukolesa amavideo girhu erhi emikolo ecapisibwe mpu ly’omwana wawe abigerezakw’akasanzi kone. Lubero n’oko, okaganirira eyo myanzi haguma n’omwana wawe onamurhabale acijirire obwîra haguma na Yehova.