•   Enderho z’Enshokolezi 2

•   Obugale bw’Akanwa ka Mungu 3-5

  •   Ehotuba 3

  •   Obuhirhi bw’Ekiroho 4

  •   Obusomi bw’Ebibliya 5

•   Ocihâne Bwenene omu Mukolo gw’Amahubiri 6-14

  •   Okurhondeza Enganîro 7

  •   Okushimbulira Okusimisibwa 8

  •   Okujira Abanafunzi 9

  •   Okuhugûla Ebi Oba Oyemire 10

  •   Ehotuba 11

  •  Ebyokuganirira 12

  •  Ehali 13

  •  Okukolesa Evideo n’Ebicapo 14

•   Akalamo k’Omukristu 15-16

  •   Ifunzo ly’Ebibliya ly’Ecigamba 16

•   Enderho z’Okushwinja 17

•   Okuvuga Abanafunzi Omunkwa n’Okubaha Amahano 18

•   Akasanzi 19

•   Amango Ecigamba Cilambagirirwe na Mwangalizi w’Omuzunguko 20

•   Omugobe gw’Entimanano y’e Eneo Erhi ey’Omuzunguko 21

•   Omugobe gw’Okukengera Olufû lwa Yezu 22

•   Mwangalizi w’Entimanano Omukolo n’Akalamo k’Omukristu 23

•   Omwimangizi w’Entimanano Omukolo n’Akalamo k’Omukristu 24

•   Omuhanûzi Murhabazi 25

•   Amasomo g’omu Bindi Byumpa 26

•   Evideo 27

1. Aga mahano garhabala ngasi ogwerhe ecigabi oku ntimanano Omukolo n’Akalamo k’Omukristu. Abagwerhe ebigabi kw’eyo ntimanano bashinganine bakalabiriza amahano gayerekire ecigabi cabo gali omu Ibugu ly’Entimanano Omukolo n’Akalamo k’Omukristu n’agali mw’eyi fomu embere barheganye ecigabi cabo. Abahubiri boshi bashinganine bahâbwe omurhima okukaba babidu okujira ebigabi by’abanafunzi. Abandi bantu bacilunzire n’ecigamba, banayemire enyigirizo z’Ebibliya banalamire kushimbana n’amakanuni g’Ecikristu, nabo banajira ebigabi by’abanafunzi. Mwangalizi w’Entimanano Omukolo n’Akalamo k’Omukristu ashinganine aganirire ebihûnyirwe ly’omuntu arhondera okugeza ebigabi by’abanafunzi na ngasi muntu orhaciba muhubiri oyerekine oku agwerhe irala ly’okuciyandikisa ly’arhondera okugeza ebigabi by’abanafunzi, anashinganine amumanyise erhi ayemerirwe okukabigeza. Mwalimu wage w’Ebibliya (erhi omubusi wage oli Muhamirizi) ashinganine ahabe amango ezo nganîro zajirwa. Ebihûnyirwe ly’omuntu arhondera ageza ebigabi by’abanafunzi byo binahûnyirwe ly’omuntu aba muhubiri orhac’ibatizibwa.—od-ZS cig. 8 cif. 8.

2. Muniti muguma. Ngasi mugobe, enyuma z’olwimbo n’isala ly’okurhondera, omwimangizi w’Entimanano Omukolo n’Akalamo k’Omukristu akaderha nderho nsungunu ziyerekire ebyajirikana kw’eyo ntimanano. Omwimangizi ashinganine asegeze ebintu by’obulagirire byalerhera ecigamba obunguke.

 3. Ehotuba: Miniti ikumi. Ibugu ly’Entimanano Omukolo n’Akalamo k’Omukristu libamo ecirhwe na bintu bibirhi erhi bisharhu by’obulagirire by’okuganirirwa mw’eyo hotuba. Eyi hotuba eshinganine ejirwe n’omugula erhi omurhabazi w’abagula ogwerhe obuhashe bw’okuyigeza bwinja. Omu mugobe biyerekinwe oku rhwarhondera ecitabu cihyahya omu busomi bw’Ebibliya, hakaba evideo y’enshokolezi eganirire eco citabu. Erhi akaba owageza eyo hotuba alonzize, anaganira olushangi luhali egarhi k’ebiri mw’eyo video n’ecirhwe c’ehotuba yage. Cikone, ashinganine ajire okwage koshi ly’aganirira ebintu biyerekire ehotuba yage biyerekinwe omw’ibugu. Na kandi erhi akaba agwerhe akasanzi, anaganirira enfoto yarheganyizibwe ly’ahugûla kwa bulîri omwanzi ali aganirira. Nk’alonzize anaganirira eyindi myanzi yakamurhabala okuhugûla kwa bulîri omwanzi ali aganirira.

 4. Obuhirhi bw’Ekiroho: Miniti ikumi. Eci cigabi c’amadoso n’amashuzo cirhagwerhi enderho z’enshokolezi erhi ez’okushwinja. Cishinganine cijirwe n’omugula erhi omurhabazi w’abagula ogwerhe obuhashe bw’okucigeza bwinja. Owacigeza ashinganine adose abumvirhiza bage amadoso goshi. Na kandi yene anahiga erhi kuli kwa bulagirire okusoma amandiko gayerekinwe. Ishuzo lya ngasi muntu lirhashinganini lirhaluse segonde 30.

 5. Obusomi bw’Ebibliya: Miniti ini. Eci cigabi cishinganine cijirwe n’omwanafunzi oli mulume. Omwanafunzi ashinganine asome ecigabi ahâbirwe buzira kuderha enderho z’enshokolezi erhi z’okushwinja. Omwimangizi ajira okwage koshi ly’arhabala abanafunzi bakasoma buzira magosa, omu njira eyumvikine bwinja, buzira kurhindira, omu kusegeza ebintu by’obulagirire, omu kushanja izu, okumanya amango bakahulika hitya, n’okusoma ebintu nk’oku binaderhwa. Bulya bigabi bilebe by’obusomi bw’Ebibliya biba bilî kulusha ebindi, mwangalizi w’Entimanano Omukolo n’Akalamo k’Omukristu ashinganine alabirize obuhashe bw’abanafunzi embere abahe ebyo bigabi.

6. Miniti ikumi n’irhanu. Eci cigabi c’entimanano carheganyizibwe lyo ciha abantu boshi obulyo bw’okucikomereza omu mukolo gw’amahubiri n’okukubûla obuhashe bwabo bw’okuganira, okuhubiri n’okuyigiriza. Kushimbana n’obulagirire, abagula banahâbwa ebigabi by’abanafunzi. Ngasi mwanafunzi ashinganine akolere isomo anahâbirwe libe lirhenzire omu broshire Okuyigiriza erhi omu broshire Ozigire Abantu n’er’isomo lyakaba liyerekinwe oku buzinda bw’ecigabi cage omu Ibugu ly’Entimanano Omukolo n’Akalamo k’Omukristu. Hali amango ecigabi c’enshambalo cakahirwa oku programe. Ecigabi ca ntyo cishinganine cijirwe n’omugula erhi omurhabazi w’abagula ogwerhe obuhashe bw’okucigeza bwinja.—Olole  ecifungo ca 15 ciyerekine gurhi ebigabi by’enshambalo bishinganine bijirwe.

 7. Okurhondeza Enganîro: Eci cigabi canajirwa n’omwanafunzi oli mulume erhi mukazi. Erhi akaba omulume ye wajira eco cigabi, omumvirhiza wage ashinganine abe wabo mulume erhi muntu w’omu mulala gwage, n’erhi akaba mukazi wacijira, omumvirhiza wage ashinganine abe wabo mukazi erhi muntu w’omu mulala gwage. Omwanafunzi n’omumvirhiza wage banayimanga erhi batamale.—Ly’obona myanzi minji okubiyerekire eby’okuganirira mw’eci cigabi n’ehali y’okubiganiramwo, olole  ecifungo ca 12 n’eca  13.

 8. Okushimbulira Okusimisibwa: Eci cigabi c’omwanafunzi cishinganine cijirwe n’omwanafunzi oli mulume erhi mukazi. Erhi akaba omulume ye wajira eco cigabi, omumvirhiza wage ashinganine abe wabo mulume erhi muntu w’omu mulala gwage, n’erhi akaba mukazi wacijira, omumvirhiza wage ashinganine abe wabo mukazi erhi muntu w’omu mulala gwage. (km-ZS 5/97 buk. 2) Omwanafunzi n’omumvirhiza wage banayimanga erhi batamale. Omwanafunzi ashinganine ayerekane ebi baganirira biyerekine oku agendekezize enshambalo barhangiraga omu mango gageraga.—Ly’obona myanzi minji okubiyerekire eby’okuganirira mw’eci cigabi n’ehali y’okubiganiramwo, olole  ecifungo ca 12 n’eca  13.

 9. Okujira Abanafunzi: Eci cigabi c’omwanafunzi cishinganine cijirwe n’omwanafunzi oli mulume erhi mukazi. Erhi akaba omulume ye wajira eco cigabi, omumvirhiza wage ashinganine abe wabo mulume erhi muntu w’omu mulala gwage, n’erhi akaba mukazi wacijira, omumvirhiza wage ashinganine abe wabo mukazi erhi muntu w’omu mulala gwage. (km-ZS 5/97 buk. 2) Omwanafunzi n’omumvirhiza wage banayimanga erhi batamale. Eci cigabi cishinganine ciyerekane gurhi rhwakalongoza ifunzo ly’Ebibliya lyarhondire. Erhi akaba omwanafunzi arhali akolera isomo liyerekine ntyo, harhali obulagirire bw’okuderha enderho z’enshokolezi erhi ez’okushwinja. Kurhali kwa bulagirire okusoma ebifungo byoshi n’izu, ciru akaba okujira ntyo kurhali kubi.

 10. Okuhugûla Ebi Oba Oyemire: Erhi akaba biyerekinwe oku eci cigabi cajirwa nka hotuba, omwanafunzi wacigeza ashinganine abe mulume. Erhi akaba biyerekinwe oku eci cigabi cajirwa nka onyesho, omwanafunzi wacigeza ashinganine abe mulume erhi mukazi. Erhi akaba omulume ye wajira eco cigabi, omumvirhiza wage ashinganine abe wabo mulume erhi muntu w’omu mulala gwage, n’erhi akaba mukazi wacijira, omumvirhiza wage ashinganine abe wabo mukazi erhi muntu w’omu mulala gwage. Omwanafunzi ashinganine ahâne ishuzo ly’obwalagale linayumvikine oku idoso lijijire ecirhwe c’omwanzi ali aganirira omu kukolesa emyanzi eri omu referanse ahâbirwe. Omwanafunzi anahiga erhi aganirira ecicapo anakulagamwo omwanzi erhi nanga omu mango g’ecigabi cage.

 11. Ehotuba: Eci cigabi c’omwanafunzi cishinganine cijirwe n’omwanafunzi oli mulume, cinashinganine cijirwe nk’oku ehotuba ejirwa omu cigamba. Erhi akaba ehotuba eyimangire oku enyushûlo A y’ebroshire Ozigire Abantu, omwanafunzi ashinganine ayerekane gurhi amandiko gakakolesibwa omu mahubiri. Kwa lwiganyo, anayerekana amango olwandiko lwakakolesibwa, ebi luhugwîre, na gurhi omuntu akalukolesa amango ali aganira n’owundi. Erhi ehotuba yakaba eyimangire oku mwanzi gurhenzire omu isomo lilebe ly’omu broshire Ozigire Abantu, omwanafunzi ashinganine asegeze gurhi ogo mwanzi gwakakolesibwa omu mahubiri. Anasegeza olwiganyo luli omu nugta ya 1 y’isomo erhi okusegeza amandiko gali mw’er’isomo erhi akaba kuli kwa bulagirire okujira ntyo.

   12. Ebyokuganirira: Emyanzi eri mw’eci cifungo n’ecikulikire eyerekire ecigabi “Okurhondeza Enganîro” n’ecigabi “Okushimbulira Okusimisibwa.” Erhi akaba nta bundi bulongozi buhânyirwe, omuhigo gw’omwanafunzi kushinganine kube kuganirira enyigirizo nnembu z’okuli kw’Ebibliya ziri za bulagirire oku muntu ali aganira naye n’okusiga omusingi gw’enganîro bajira omu mango gayisha. Omwanafunzi ashinganine acishoge omwanzi gupatine n’akasanzi gunapatine n’amalagirire gali omu eneo. Anahiga erhi aganirira cicapo cilebe erhi video ndebe y’omu Bikolanwa Birhu by’Omwigiriza erhi nanga. Ahali h’okujira eonyesho eyerekire enjira y’okurhondeza enganîro omuntu anabîkirire omu bukengere, abanafunzi bashinganine bacikomereze okuba n’obulenga bw’okuganira, nk’okuyeresa omuntu oku bamushibirire n’okuganira nk’oku bayorha baganira.

   13. Ehali: Omwanafunzi ashinganine ageze ecigabi cage kushimbana n’ehali y’emwabo. Kwa lwiganyo:

1.  (1) Mahubiri ga Nyumpa oku Yindi: Eyi hali ehiziremwo okuhubiri lumvi oku lundi; abe busu oku busu, kugerera etelefone, erhi kugerera amaruba n’okugendekeza enganîro haguma n’omuntu rhwabuganaga omu mahubiri ga nyumpa oku yindi.

2.  (2) Mahubiri g’Akasanzi Koshi-Koshi: Eyi hali eyerekire okukolesa ngasi bulyo rhwakaba nabo omu nshambalo rhujira ngasi mango n’okuzihindula lyo rhuhâna obuhamirizi. Oko kuhiziremwo okuganirira entanya z’Amandiko haguma n’aba rhubuganine nabo ebwa kazi, ebwa masomo, abalungu birhu, aba rhuli nabo omu mubalamo, erhi ciru aba rhurhimanine nabo ngasi hoshi amango rhuli omu mikolo yirhu ya ngasi lusiku.

3.  (3) Mahubiri g’Aha Nafasi y’Abantu Banji: Eyi hali ehiziremwo okuhubiri oku prezantware, okuhubiri abantu omu cibuye, omu ibarabara, omu parke, oku parkingi, erhi ngasi hoshi abantu bakabonekana.

 14. Okukolesa Evideo n’Ebicapo: Kushimbana n’akanga, omwanafunzi anahiga erhi ayerekana evideo erhi cicapo. Erhi akaba ecigabi c’omwanafunzi cihiziremwo evideo, kandi erhi akacishoga okuyerekana video nguma, anajira enshokolezi y’eyo video n’okuyiganirira cikone arhayiyerekane.

15. Enyuma z’olwimbo, eminiti 15 ekulikire yabamwo cigabi ciguma erhi bibirhi by’okurhabala abumvirhiza bahugûkwe gurhi bakakolesa Akanwa ka Nnâmahanga. Erhi akaba nta bulongozi buyerekinwe, ebyo bigabi bishinganine bijirwe n’abagula erhi abarhabazi b’abagula bagwerhe obuhashe bw’okubigeza bwinja, ahanyuma n’ecigabi; amalagirire g’ecigamba, cishinganine cijirwe n’omugula. Erhi cigabi cilebe cakaba ca nshambalo, oli wacigeza anadosa amadoso garheganyizibwe omu mango g’ecigabi cage. Ashinganine ajire enshokolezi nyofofi ly’aleka akasanzi karhali kanyi omu kuganirira ebintu by’obulagirire haguma n’abumvirhiza bage. Erhi akaba hali eonyesho yajirwa, nka bihashikine, kwanaba kwinja owayijira ayijirire oku estrade ahali h’okuyijirira oku nafasi atamire.

  16. Ifunzo ly’Ebibliya ly’Ecigamba: Miniti makumi asharhu. Eci cigabi cishinganine cijirwe n’omugula ogwerhe obuhashe bw’okucigeza bwinja. (Omu cigamba cilimwo bagula basungunu, abarhabazi b’abagula bagwerhe obuhashe bw’okugeza eco cigabi bwinja, banacihâbwa akaba kuli kwa bulagirire.) Embaraza y’abagula eshinganine ehige bandi bagwerhe obuhashe bw’okulongoza bwinja Ifunzo ly’Ebibliya ly’Ecigamba. Abayemerirwe okugeza eco cigabi bashinganine babe n’obuhashe bw’okucigeza bwinja, okukenga akasanzi, okusegeza amandiko g’obulagirire bwenene n’okurhabala ngasi muntu ahugûkwe gurhi akakolesa ebintu by’obulagirire byaganiriragwa. Obulongozi bwamakahânwa lugenda okulongoza ebigabi by’amadoso n’amashuzo bwanarhabala abo bene wirhu bakageza eco cigabi bwinja. (w23.04 cisanduku oku buk. 24) Erhi mwakaba mwayusize mwaganirira ebintu by’obulagirire byali birheganye, harhali obulagirire bw’okugendekeza ifunzo. Erhi akaba byanashikana, abantu b’okulongoza er’ifunzo n’ab’okusoma ebifungo, banakaba lubero ngasi mugobe. Erhi omwimangizi w’Entimanano Omukolo n’Akalamo k’Omukristu akahûna banyihye oku nsa z’ifunzo, oli walongoza er’ifunzo yene anahiga gurhi azinyihyako. Anahiga okurhasoma bifungo biguma na biguma.

17. Miniti isharhu. Omwimangizi w’Entimanano Omukolo n’Akalamo k’Omukristu agalukira kwa bofofi ebintu by’obulagirire byakarhabala abantu byaganirirwe oku ntimanano. Na kandi, ashinganine aganirire kwa bofofi ebyaganirirwa oku ntimanano y’omugobe gukulikire. Erhi akaba agwerhe akasanzi, anaderha amazino g’abajira ebigabi by’abanafunzi by’omugobe gukulikire. Erhi akaba nta bundi bulongozi buhânyirwe, omwimangizi ye shinganine asome amatangazo erhi kusoma amaruba barhumire ecigamba amango ali aderha enderho z’okushwinja. Eyindi myanzi, nk’emyanzi eyerekire entimanano z’amahubiri erhi okucesa Enyumpa y’Obwami, erhashinganini etangazibwe oku estrade, cikone eshinganine ehirwe oku tablo y’amatangazo. Erhi akaba hali amatangazo erhi amaruba gasomwa birhakahash’ijirwa omu kasanzi k’enderho z’okushwinja, omwimangizi anahûna bene wirhu bagwerhe ebigabi by’omu Kalamo k’Omukristu banyihye oku kasanzi bahîrwe akaba kuli kwa bulagirire. (Olole  ecifungo ca 16 n’eca  19). Entimanano yahwa n’olwimbo n’isala.

18. Enyuma za ngasi cigabi c’omwanafunzi, omwimangizi w’Entimanano Omukolo n’Akalamo k’Omukristu anakolesa hofi muniti muguma ly’avuga omwanafunzi omunkwa n’okumuha amahano gayimangire oku isomo anal’ihâbirwe okukolera. Amango omwimangizi w’entimanano ali alalika omwanafunzi ly’ageza ecage cigabi, arhayerekane isomo oyo mwanafunzi akolera. Cikone enyuma z’omwanafunzi okuyusa ecigabi cage, n’enyuma z’okumubwira nderho ndebe z’okumuvuga omunkwa, omwimangizi w’entimanano anaderha isomo omwanafunzi anakag’ikolera, anaderha ebintu binja anajijire, erhi kumuhugûlira omu njira y’olukogo bulya gurhi ashinganine acibiyish’ikolera er’isomo. Omwimangizi w’entimanano anaganirira akandi kantu kayerekire ecigabi c’omwanafunzi cajiragwa erhi akaba arhanyize oku oko kwanarhabala omwanafunzi erhi abumvirhiza. Omu bwifulikwe, anaha omwanafunzi amahano g’okuyubaka gayimangire oku broshire Ozigire Abantu, Okuyigiriza, erhi citabu Shule ya Huduma, enyuma z’entimanano erhi agandi mango, ago mahano ganaba gayerekire isomo oyo mwanafunzi anakoleraga erhi lindi isomo.—Ly’omanya binji lugenda omukolo gw’omwimangizi w’Entimanano Omukolo n’Akalamo k’Omukristu n’omukolo gw’omuhanûzi murhabazi, olole   ecifungo ca 19,  24, n’eca  25.

19. Nta cigabi cishinganine cirhaluse akasanzi, ciru n’amahano g’omwimangizi w’Entimanano Omukolo n’Akalamo k’Omukristu. Ciru akaba Ibugu ly’Entimanano Omukolo n’Akalamo k’Omukristu liba liyerekine akasanzi ngasi cigabi cishinganine ciyuse, erhi akaba emyanzi yoshi yali mirheganye mweco cigabi yaganirirwe bwinja, harhali obulagirire bw’okuyushula emyanzi mpu ly’ayusa akasanzi anal’ihâbirwe. Erhi abandi bene wirhu bagwerhe ebindi bigabi oku ntimanano bakarhalusa akasanzi bal’ihîrwe, omuhanûzi murhabazi ashinganine abahe amahano amango bali bonene. (Olole   ecifungo ca 24 n’eca  25). Entimanano yoshi kuhiramwo enyimbo n’amasala, eshinganine eyuse nsa 1 na miniti 45.

20. Amango mwangalizi w’omuzunguko alambagirire ecigamba, eprograme y’entimanano eshinganine ejirwe nk’oku biyerekinwe omu Ibugu ly’Entimanano Omukolo n’Akalamo k’Omukristu. Ifunzo ly’Ebibliya ly’Ecigamba ly’omu cigabi Akalamo k’Omukristu lyone lirhajirwe. Ehotuba y’omukolo ya miniti 30 yajirwa na mwangalizi w’omuzunguko yo yarhôla enafasi y’eco cigabi. Embere z’eyo hotuba y’omukolo, omwimangizi w’Entimanano Omukolo n’Akalamo k’Omukristu ashinganine agalukire kwa bofofi ebintu by’obulagirire bayizire, aganirire kwa bofofi e programe y’omugobe gukulikire, ageze amatangazo g’obulagirire, asome amaruba g’obulagirire, n’enyuma z’aho analalika mwangalizi w’omuzunguko. Enyuma z’ehotuba y’omukolo, mwangalizi anashwinja entimanano n’olwimbo anacishozire. Analalika owundi mwene wirhu ly’ajira isala ly’okushwinja. Nta masomo g’omu bindi byumpa g’olulimi lw’ecigamba gashinganine gajirwe amango mwangalizi w’omuzunguko alambagirire ecigamba. Ecikundi canajira entimanano zaco ciru n’amango mwangalizi w’omuzunguko alambagirire ecigamba. Cikone, ecikundi cishinganine cicilunge n’ecigamba lyo ciyumvirhiza ehotuba y’omukolo yajirwa na mwangalizi w’omuzunguko.

21. Omu mugobe gw’entimanano y’e eneo erhi ey’omuzunguko, entimanano z’ecigamba zirhajirwe. Ecigamba cishinganine cikengezibwe oku ngasi muntu ashinganine ayige yene ebintu byali birheganye oku programe y’entimanano y’ogo mugobe erhi kubiganirira omu mulala.

22. Erhi Okukengera Olufû lwa Yezu kwakaba kwajirwa omu kagarhi k’omugobe, nta programe y’Entimanano Omukolo n’Akalamo k’Omukristu yakajirwa.

23. Embaraza y’abagula yacishoga mugula muguma wakola nka mwangalizi w’Entimanano Omukolo n’Akalamo k’Omukristu. Omukolo gwage kuli kumanya n’obwalagale erhi kobinali eyi ntimanano epanzirwe bwinja, enali yajirwa kushimbana n’amahano gali mw’eyi fomu. Ashinganine akole omu cinyabuguma haguma n’omuhanûzi murhabazi. Amango Ibugu ly’Entimanano Omukolo n’Akalamo k’Omukristu lihyahya lyamahaba, mwangalizi w’Entimanano Omukolo n’Akalamo k’Omukristu anagaba ebigabi by’entimanano y’omu kagarhi k’omugobe bya myezi ibirhi yoshi. Ebyo bigabi bihiziremwo abimangizi b’entimanano y’omu kagarhi k’omugobe, acishogabo egarhi k’abayemirwe n’embaraza y’abagula, ebigabi by’abanafunzi, n’ebirhali by’abanafunzi. (Olole  ecifungo ca 3-16 n’eca  24) Amango ali apanga ebigabi by’abanafunzi, ashinganine abipange kushimbana n’emyaka y’omwanafunzi, obulenga bwage, n’oluhuma lw’okuganirira omwanzi ahâbirwe. Ashinganine akolese eyo njira yo n’eyo amango g’okugaba ebindi bigabi oku ntimanano. Ngasi owageza cigabi cilebe, ashinganine acihâbwe migobe isharhu embere z’olusiku acigeza. Efomu edesire Utumishi na Maisha ya Mukristo Karatasi ya Mugao, (S-89) eshinganine ekolesibwe amango g’okuha abanafunzi ebigabi. Mwangalizi w’Entimanano Omukolo n’Akalamo k’Omukristu ashinganine amanye n’obwalagale erhi entondekanye y’ebigabi by’entimanano y’omu kagarhi k’omugobe yahizirwe oku tablo y’amatangazo. Embaraza y’abagula yanacishoga owundi mugula erhi murhabazi w’abagula ly’aba murhabazi wage. Cikone, bagula bone bashinganine bakagaba ebigabi birhali by’abanafunzi.

24. Ngasi mugobe, mugula muguma akakola nka mwimangizi w’Entimanano Omukolo n’Akalamo k’Omukristu. (Omu cigamba cilimwo bagula basungunu, abarhabazi b’abagula bagwerhe obuhashe bw’okugeza eco cigabi bwinja, banacihâbwa akaba kuli kwa bulagirire.) Ye shinganine arheganye enderho z’enshokolezi n’ez’okushwinja n’okulongoza enshambalo z’evideo z’okurhondeza enganîro. Na kandi anayegereza ngasi owageza cigabi cilebe, na kushimbana n’omubale gw’abagula, anageza bigabi bilebe by’entimanano, ci bwenene ebigabi biyerekire okulaba evideo kone buzira kuyiganirira. Enderho zage enyuma za ngasi cigabi, zishinganine zibe nyofofi. Embaraza y’abagula eshinganine ecishoge bagula bahi bagwerhe obuhashe bw’okujira ogo mukolo. Ngasi mugobe hakaba owayimangira entimanano egarhi k’aba embaraza y’abagula yacishozire. Kushimbana n’akanga, mwangalizi w’Entimanano Omukolo n’Akalamo k’Omukristu akayimangira entimanano kanji-kanji kulusha abandi bagula bacishozirwe. Erhi akaba mugula mulebe ajira obuhashe bw’okulongoza bwinja Ifunzo ly’Ebibliya ly’Ecigamba, anaba agwerhe n’obuhashe bw’okuba mwimangizi w’entimanano. Mwe mukasinga, mukengere oku omugula oyimangire entimanano ashinganine avuge omunkwa abanafunzi bagezize ebigabi byabo n’okubaha amahano omu njira y’obuzigire. Na kandi guli mukolo gw’omwimangizi w’entimanano okumanya erhi kobinali entimanano yahwire omu kasanzi kahûnyirwe. (Olole  ecifungo ca 17 n’eca  19). Erhi akaba omwimangizi w’entimanano alonzize, n’erhi akaba hali enafasi oku estrade, eyindi mikro yanahirwako lyo ayikolesa omu kuyegereza abageza bigabi bilebe, amango ababigeza bali baja embere z’emikro bakolesa. Ko n’oko, erhi omwimangizi w’entimanano akalonza, anatamala aha meza amango omwanafunzi ali ajira ecigabi c’obusomi bw’Ebibliya n’amango g’ecigabi Ocihâne Bwenene omu Mukolo gw’Amahubiri. Okujira ntyo kwanarhuma arhaheza akasanzi.

25. Amango bihashikine, omugula oyishiyigiriza bwinja yeshinganine ahâbwe ogo mukolo. Omukolo gw’omuhanûzi murhabazi guli gwa kuhanûla abagula n’abarhabazi b’abagula amango bali bonene lugenda ebigabi bagezize biyerekire okuyigiriza, ebigabi bagezize oku Ntimanano Omukolo n’Akalamo k’Omukristu, ehotuba z’abantu boshi, okulongoza ifunzo ly’Ebibliya kugerera Ilabiro ly’Akalalizi, Ifunzo ly’Ebibliya ly’Ecigamba, na lugenda okusoma ebifungo. (Olole  ecifungo ca 19.) Erhi akaba ecigamba cirimwo bagula banji bayishiyigiriza bwinja, hanakaba mugula muguma egarhi kabo wakola nka muhanûzi murhabazi ngasi mwaka. Kurhali kwa bulagirire omuhanûzi murhabazi akahâna amahano enyuma za ngasi cigabi.

26. Kushimbana n’omubale gw’abanafunzi, ebigamba byanajira amasomo g’omu bindi byumpa lugenda ebigabi by’abanafunzi. Ngasi isomo ly’omu cindi cumpa lishinganine libe n’omuhanûzi ogwerhe obuhashe bw’okujira ntyo, bwenene ashinganine abe mugula. Nka kuli kwa bulagirire, omurhabazi w’abagula ogwerhe obuhashe bw’okujira ogo mukolo anaguhâbwa. Embaraza y’abagula eshinganine ehige ndi ogwerhe obuhashe bw’okujira ogo mukolo n’erhi kuli kwa bulagirire okukamushanja. Oyo muhanûzi ashinganine akulikire obulongozi buli omu  cifungo ca 18. Erhi akaba isomo ly’omu cindi cumpa lyajirwa, abanafunzi banahûnwa okuja mw’eco cumpa enyuma z’ehigabi Obuhirhi bw’Ekiroho hy’omu cigabi Obugale bw’Akanwa ka Mungu. Bashinganine bagaluke omu bajaga bajirira entimanano enyuma z’ecigabi c’omwanafunzi muzinda.

27. Amango g’eyi ntimanano evideo zacishozirwe zakayerekanwa. Ezo video zakabonekana oku JW Library^® n’omuntu anazilaba kugerera ebyombo by’ecielektroniki biri lubero.

© 2023 Watch Tower Bible and Tract Society of Pennsylvania

S-38-MSH 11/23