Abantu Bafîre, ka Kobinali Banacib’ilama?
Ka wanashuza erhi . . .
-
neci?
-
nanga?
-
nkaba?
ALAGA ISHUZO LY’EBIBLIYA
“Abafîre bafûke.”—Ebijiro by’Entumwa 24:15.
BUNGUKE BUCI WAKABA NABO ERHI WAKAYEMERA EZO NYIGIRIZO Z’EBIBLIYA?
Zanakurhuliriza erhi wakafîrwa n’omuzigirwa wawe.—2 Abakorinti 1:3, 4.
Zanakurhabala orhacikag’iyoboha olufû.—Abahabraniya 2:15.
Zanakuha obulangalire bw’okuyish’ibona bene winyu bafîre.—Yowane 5:28, 29.
KA RHWANAYEMERA EBI EBIBLIYA EDESIRE?
Neci, hali bintu bisharhu byakarhuma rhwayemera ezo nyigirizo z’Ebibliya:
-
Nnamahanga ye Warhondezâgya obuzîne. Ebibliya edesire oku Yehova Nnamahanga “y’enshôko y’obuzîne.” (Ennanga 36:9, NWT; Ebijiro by’Entumwa 17:24, 25) Bulya ye wahâga ebiremwa byoshi obuzîne, kobinali agwerhe obuhashe bw’okucib’igalulira abantu bafîre obuzîne.
-
Nnamahanga afuzîre abantu omu nsiku za mîra. Ebibliya eganirire bantu munani bafûzirwe banacib’igendekera balama hanw’igulu. Bâl’imo emisole, abashosi, abalume n’abakazi. Baguma mulibo bal’igwerhe kasanzi kasungunu bafîre cikone muguma muli bo âli amajira nsiku 4 omu nshinda!—Yowane 11:39-44.
-
Nnamahanga agwerhe irâla ly’okucib’ifûla abafîre. Yehova kushomba ashomba olufû, kw’alubona nka mushombanyi. (1 Abakorinti 15:26) Agwerhe omuhigo gw’okuhima oyo mushombanyi n’okuyusa olufû kugerera obufûke. Agwerhe irala ly’okufûla ngasi balya bali omu nkengêro zage n’okushib’ibagalulira obuzîne.—Ayubu 14:14, 15.
GEREREZAGYA
Bici birhuma rhwashosihala n’okufâ?
Ebibliya eshuzize n’obwalagale kw’er’idoso omu OMURHONDÊRO 3:17-19 n’omu ABAROMA 5:12.
Olole n'Ebi Bikulikire
ENYIGIRIZO Z'OMUSINGI Z'EBIBLIYA
Gurhi Owamafâ Ayorha?
Ebibliya elaganyize oku akasanzi kayiruka amango abafîre banafûke nka kula Lazaro anafûkaga.
OKUBIRHUYEREKIRE
Bulya gurhi oyige Ebibliya?
Ebibliya eri yarhabala bantu banji babone amashuzo oku madoso g’obulagirire bwenene rhucidosa omu kalamo. Ka nawe olonzize omanye amashuzo?
ENYIGIRIZO Z’EBIBLIYA
Oyige Ebibliya Haguma na Nirhu
Oyige Ebibliya omukuganira buzira kulipa kantu koshi-koshi.
