“Nyamuzinda w’empingu, ayishiyimanza obundi bwami bulya burhankacishandwa [burhakacisherezibwa] ciru n’eriguma.”​—Daniyeli 2:44.

“Omwana-rhabana arhuhîrwe; oburhegesi bumuli ebirhugo.”​—Izaya 9:6, NWT.

• Bwalerha oburhegesi bushinganyanya bulya bwayish’ikujirira ebintu binja.​—Izaya 48:17, 18.

• Wayish’iba n’akalamo k’omwishingo n’amagala nkana omw’igulu lihyahya.​—Amafulûlo 21:3, 4.

Neci, hali bintu bibirhi byakarhuma rhwayemera ezo nyigirizo z’Ebibliya:

• Yezu ayerekîne ebi Obwami bwa Nnamahanga bwayish’ihikiriza. Yezu ayigirizîze abaganda bage bakasalira Obwami bwa Nnamahanga buyishe n’obulonza bwage bujirikane hanw’igulu. (Mateyo 6:9, 10) Yezu ayerekîne gurhi er’isala lyayish’ishuzibwa.

  Amango Yezu âli hanw’igulu, alisîze abashalye, afumya abalwala, n’okufûla abafîre! (Mateyo 15:29-38; Yowane 11:38-44) Bulya Yezu al’imanyire oku ye wayish’iba Murhegesi w’Obwami bwa Nnamahanga, ayerekîne aminja obwo Bwami bwayish’ijirira abantu bwayish’irhegeka.​—Amafulûlo 11:15.

• Ebiri byajirikana omw’igulu ene biri byayerekana oku Obwami bwa Nnamahanga buli hofi. Yezu alebîre oku embere obo Bwami bulerhe omurhula hanw’igulu, entambala, ecizombo (ishali), n’emisisi byayish’iba hanji.​—Mateyo 24:3, 7.

  Rhuli rhwabona ebyo byoshi ene. Co cirhumire, rhwanayemera oku kobinali Obwami bwa Nnamahanga buli hofi buyukirîze aga mazibu goshi gali hanw’igulu.