Nnamahanga alonzize abantu balame n’omwishingo n’omurhula omu paradizo han’igulu ensiku n’amango!

Nkaba wanaderha mpu, ‘Oko kurhankahashikana.’ Cikwone Ebibliya eyigirizize oku ebyo byahashikana kugerera oku Bwami bwa Nnamahanga. Na kandi, Nnamahanga alonzize abantu bayige Ebibliya lyo bamanya binji oku biyerekire obulonza bwage n’Obwami bwage.​—Ennanga 37:11, 29; Izaya 9:7.

Nnamahanga alonzize rhube n’akalamo kinja.

Omubusi mwinja analonze abana bage babe n’akalamo kinja. Na Larha wirhu w’empingu alonzize rhulame n’omwishingo ensiku n’amango. (Izaya 48:17, 18) Arhulaganyize oku “ojira obulonza bwa Nyamuzinda ayorha abaho ensiku n’amango.”​—1 Yowane 2:17.

Nnamahanga alonzize rhukulikire enjira zage.

Ebibliya edesire oku Omulemi wirhu alonzize ‘okurhuyigiriza enjira zage’ lyo “rhukulikira enjira zage.” (Izaya 2:2, 3) Nnamahanga acishozire olubaga ‘lukombera izino lyage’ lyo obulonza bwage bumanyikana omw’igulu lyoshi.​—Ebijiro 15:14.

Nnamahanga alonzize rhumuharamye omu bumvikane.

Idîni ly’okuli lirhashombanya abantu, cikwone linabahe obuguma omu buzigire bw’okunali. (Yowane 13:35) Mwa gano mango, bandi bali bayigiriza abantu ba ngasi buko okukolera Nnamahanga omu bumvikane? Wabona ishuzo mw’ehi hitabu.