Ociyigirize bwinja omwanzi gwawe. Ohugûkwe omwanzi gwawe bwinja ly’ohash’iguhugûla omu njira nembu n’omu kukolesa enderho zawe.

Okolese emisemwa myofofi na milembu. Ciru akaba kurhali kubi okukolesa emisemwa milîri, oganirire ebintu by’obulagirire omu kukolesa emisemwa myofofi.

Ohugûle enderho abantu barhamanyiriri. Orhakolesagya bwenene enderho abumvirhiza bawe barhamanyiriri. Erhi akaba wakolesa nderho ndebe zirhamanyikini bwenene, erhi kuganirira muntu mulebe w’omu Bibliya orhamanyikini bwenene erhi bipimo bilebe bya mîra erhi nkomedu, wanabihugûla.