Ozukize abumvirhiza bawe irala onabashumye bagendekere bakuyumvirhiza. Odose amadoso gakarhuma abumvirhiza bawe barhanya oku mwanzi oli waganirira n’okucishuza erhi agakarhuma baba n’irala ly’okulonza okumanya ishuzo.

Orhanye haguma n’abumvirhiza bawe oku mwanzi oli waganirira. Orhabale abumvirhiza bawe babone gurhi ntanya ndebe zipatine n’obwenge omu kubadosa amadoso gakabarhabala barhôle emihigo minja.

Osegeze ebintu by’obulagirire. Ly’orhondera okuganirira ntanya ndebe z’obulagirire odose idoso lyakarhuma abantu baba n’irala ly’okulonza okumanya. Okolese amadoso g’okucikengeza enyuma z’okuganirira kantu kalebe k’obulagirire erhi amango oli washwinja omwanzi wakag’iganirira.