ISOMO LYA 06
Gurhi Obuzine Bwarhangirâga?
“Wene [Nnâmahanga] we nshôko y’obuzine.” (Ennanga 36:9, Mashi Bible) K’oyemire ntyo? Bantu baguma baguma banaderhe oku obuzine burhalemagwa mpu cikone bwayishaga ntya-ntya kone. Akaba kobinali, kw’okuderha oku rhuhaba ntya-ntya kone. Cikone erhi akaba Yehova ye walemaga obuzine, bwalikwanine okuba n’ecirhumire, karhali ntyo? a Olole ebi Ebibliya edesire lugenda omurhondero gw’obuzine na bulya gurhi ebyo edesire biyumvikine bwinja.
1. Gurhi amalunga n’igulu byarhangiraga?
Ebibliya edesire ntya: “Aha murhondêro, Nyamuzinda alema amalunga n’igulu.” (Omurhondêro 1:1) Hofi abantu basoma eby’esiyanse boshi babà bayemire oku amalunga n’igulu bijira omurhondero. Gurhi Nnâmahanga abilemaga? Akolesize “emisi yage”—kw’okuderha iroho lyage litagatifu—ly’alema amalunga n’igulu, kuhiramwo amagalagsi, enyenyezi n’amaplanete.—Omurhondêro 1:2, NWT.
2. Bulya gurhi Nnâmahanga alemaga igulu?
Yehova arhuhugûlire oku “arhalilemaga bwamwa, alilema mpu liyubakwe mwo.” (Izaya 45:18, Mashi Bible) Ajijire igulu bwinja bwenene lyo liba ndâro ya bene bantu ensiku zoshi. (Osome Izaya 40:28; 42:5.) Esiyanse eyerekine okw’igulu liba lyago-lyago erhi rhwakalishushanya n’agandi maplanete. Yone planete obuzine bwakahashikanamo.
3. Lubero luhi luba egarhi k’abantu n’ensimba?
Enyuma z’okulema igulu, Yehova alema ngasi kantu koshi kabamw’obuzine. Burhangiriza emirhi n’ensimba. Buzinda, “Nyamuzinda alema abantu oku nshusho yage yene.” (Osome Omurhondêro 1:27, Mashi Bible.) Bulya gurhi omuntu ali wago-wago? Bulya rhwalemirwe oku nshusho ya Nnâmahanga, rhwanahashiyerekana amorhere gage, nk’obuzigire n’obushinganyanya. Anarhulemire n’obulyo bw’okuyiga endimi, okushagalukira ebi abandi batuzire n’okushagalukira emiziki. Na lubero n’ensimba, rhwehe rhugwerhe obuhashe bw’okuharamya Lulema wirhu.
HUMBIRIRA LY’OHUGÛKWA
Olole ebiyerekine oku obuzine bwalemirwe n’oku emyanzi eba omu Bibliya lugenda obulemi eba y’okuli. Obone bici amorhere ga mwene muntu garhuyigirizize kuli Nnâmahanga.
4. Obuzine bwalemirwe
Bene bantu banahâbwe irenge erhi abandi babona ebintu batulaga omu kulolera oku bulemi. Ndigi walemaga ebyo balolerako oshinganine okuhâbwa irenge? Olole EVIDEO, na buzinda oganirire er’idoso.
-
Bici abatuzi ba bene bantu bajijire omu kuyiga ebyalemirwe?
Ngasi nyumpa ejira owayiyubakaga. Cikoki, ndi walemaga n’okuyubaka ebintu biba omw’igulu? Osome Abahabraniya 3:4, Mashi Bible na buzinda oganirire aga madoso:
-
Bici bikusomire okubiyerekire obulemi?
-
Ka biyumvikine okuyemera oku amalunga, igulu na ngasi byoshi bimuba byalemirwe? Bulya gurhi odesire ntyo?
K’omanyire?
Wanabona emyanzi n’evideo lugenda obulemi oku jw.org omu bigabi bidesire “K’aka Kantu Kone Kacijiraga?” na “Entanya Lugenda Omurhondero gw’Obuzine.”
“Bulya ngasi nyumpa ejira owayiyubakaga, na Nnâmahanga ye wajiraga ebintu byoshi”
5. Ebi Ebibliya edesire lugenda obulemi biba by’okuli
Omu citabu c’Omurhondêro cigabi ca 1, Ebibliya eganirire omurhondêro gw’igulu n’ogw’obuzine hanw’igulu. Ka wanayemera ebi Ebibliya edesire muli oko erhi nkaba orhanyize oku ziba ndibi za bene bantu kone? Olole EVIDEO, na buzinda oganirire amadoso gakulire.
-
K’Ebibliya edesire okw’igulu n’obuzine byalemirwe omu nsiku 6 za nsa 24 ngasi luguma?
-
K’orhanyize oku emyanzi Ebibliya eganirire lugenda obulemi eri y’okuli enayumvikine? Bulya gurhi oyemire ntyo, erhi bulya gurhi nanga?
Osome Omurhondêro 1:1, na buzinda oganirire er’idoso:
-
Abasomire esiyanse bayerekine oku amalunga n’igulu bijira omurhondero. Gurhi oko badesire kulinganine n’oku Ebibliya edesire?
Bantu banji banacidose erhi kobinali Nnâmahanga akolesize amageuzi ly’alema obuzine. Osome Omurhondêro 1:21, 25, 27, na buzinda oganirire aga madoso:
-
K’Ebibliya eyigirizize oku Nnâmahanga alemire obuzine bwa ntya-ntya kone, na buzinda bwaja bwahinduka-hinduka; bwarhangiba nsamaki, bwaba nsimba, na buzinda bwahinduka muntu? Erhi alemire obuzine bwa “ngasi lubero?” b
6. Omuntu ciba ciremwa cago-cago ca Nnâmahanga
Rhuba lubero n’ebindi biremwa bya Yehova. Osome Omurhondêro 1:26, na buzinda oganirire er’idoso:
-
Bulya rhwalemirwe oku nshusho ya Nnâmahanga, bici obuhashe bwirhu bw’okuyerekana obuzigire n’obonjo burhuyigirizize lugenda oku Nnâmahanga ayorha?
HALI ABANTU BADERHA NTYA: “Ebi Ebibliya eba eganirire lugenda obulemi ziba ndibi kone.”
-
Gurhi nawe orhanyize? Bulya gurhi?
KWA BOFOFI
Yehova alemire amalunga, igulu na ngasi ciremwa cibamw’obuzine.
Okucikengeza
-
Bici Ebibliya edesire lugenda oku amalunga n’igulu byarhonderaga?
-
Ka Nnâmahanga ajijire obuzine bwa ntya-ntya na buzinda bwaja bwahinduka-hinduka erhi alemire obuzine bwa ngasi lubero?
-
Bici bijijire omuntu abe wago-wago?
OCIYIGIRIZE KWA BULÎRI
Olole enyiganyo z’ebyalemirwe byakarhuyigiriza kuli Lulema.
“Vitu Vyenye Kuwa mu Ulimwengu Vinatufundisha Nini?” (Amuka!, ya mwezi gwa 9, 2006)
Olole gurhi omubusi ahugûlira omwana wage emyanzi y’Ebibliya lugenda obulemi.
Olole erhi enyigirizo z’amageuzi ziba zipatine n’Ebibliya.
“Ka Nnâmahanga Akolesize Amageuzi ly’Alema Obuzine bwa Ngasi Lubero?” (Mwanzi guli oku jw.org)
Olole erhi ebyavumbwirwe (fossiles) erhi ebi abasoma esiyanse badesire biyerekine oku obuzine bwalemirwe erhi bwarhangiraga ntya-ntya kone.
Vitu Vyenye Uzima Vilianza Namna Gani?—Maulizo 5 ya Kujiuliza (broshuwa)
a Isomo lya 25 lyayishiganirira omuhigo gwa Nnâmahanga kuli bene bantu guba guhi.
b Omu Bibliya, oluderho “lubero” luganirire ngasi ciremwa cibamw’obuzine.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
