ISOMO LYA 08
Wanaba Mwîra wa Yehova
Yehova aba alonzize omumanyirire bwinja. Bulya gurhi? Bulya amanyire oku wanahikira aha waba mwîra wage erhi wakaciyigiriza binji okubiyerekire amorhere gage, oku akolera abantu, n’omuhigo gwage. Ka kobinali wanaba mwîra wa Nnâmahanga? (Osome Ennanga 25:14.) Bici wakajira ly’oba mwîra wage? Ebibliya eshuzize kw’ago madoso enafulwîre bulya gurhi obwîra haguma na Yehova bo bwîra bwinja wakaba nabo.
1. Mulali muci Yehova akuhire?
“Yegeri Nyamuzinda, naye ammuyegerera.” (Yakobo 4:8) Oko kw’okuderha gurhi? Yehova akulalisire oku obe mwîra wage. Bantu baguma na baguma barhayemera oku banajira obwîra haguma na Nnâmahanga bulya barhakahash’imubona. N’obu, omu Kanwa kage Bibliya, Yehova afulwire ngasi kantu koshi rhwakalonza okumanya kuli ye lyo rhumuyegera. Erhi rhusoma omwanzi gwa Nnâmahanga kuli rhwê guba omu Bibliya, obwîra bwirhu haguma naye bunazibuhe ciru akaba rhurhasagimubona.
2. Bulya gurhi Yehova ye Mwîra mwinja wakaba naye?
Nta muntu ob’okuzigire aka Yehova. Aba alonzize obe n’obushagaluke anaba alonzize okamushenga amango goshi wakanaba oli omu bulagirire. Alonzize ‘amalagirire gawe goshi ogahire omu maboko gage, bulya kushibirira ayorha akushibirira.’ (1 Petro 5:7) Ngasi mango Yehova aba mubidu okurhabala, okurhuliriza n’okuyumvirhiza abîra bage.—Osome Ennanga 94:18, 19.
3. Bici Yehova aba alonzize abîra bage bajire?
Yehova aba azigire abantu boshi, “cikwone Anayinjibane abantu b’obushinganyanya.” (Emigani 3:32, Mashi Bible) Yehova aba alonzize abîra bage bakajira ebintu abona oku biba binja n’okuyaka ebintu abona oku biba bibi. Bantu baguma na baguma banahikira aha barhanya mpu barhakahasha barhumikira amakanuni ga Yehova lugenda aminja n’amabi. Cikoki, Yehova aba walukogo. Anayemere ngasi boshi bamuzigira, bajira n’okwabo koshi lyo bamusimisa.—Ennanga 147:11; Ebijiro by’Entumwa 10:34, 35.
HUMBIRIRA LY’OHUGÛKWA
Oyige binji okubiyerekire oku wakabamwo mwîra wa Yehova, onalonze okumanya bulya gurhi ye Mwîra mwinja wakaba naye.
4. Abrahamu ali mwîra wa Yehova
Omwanzi gw’Ebibliya guganirire Abrahamu (kandi ohamagalwa Abramu) gurhuyeresire n’obwalagale okuba mwîra wa Nnâmahanga kw’okuderha gurhi. Osome okubiyerekire Abrahamu omu Omurhondêro 12:1-4. Na buzinda oganirire aga madoso:
-
Bici Yehova ahûnaga Abrahamu oku ajire?
-
Bici Yehova amulaganyagya?
-
Gurhi Abrahamu ajijire lugenda ebi Yehova omubwiraga?
5. Ebi Yehova aba ahûnyire abîra bage
Hali bintu biguma na biguma rhulonza abira birhu bajire
-
Bici osima abîra bawe bakujirire?
Osome 1 Yowane 5:3, na buzinda oganirire er’idoso:
-
Bintu bici Yehova aba alonzize abîra bage bajire?
Lyo rhurhumikira Yehova, byanahûna rhuleke olugenzi lwirhu lubi erhi nkomêdu zirhu mbi. Osome Izaya 48:17, 18, na buzinda oganirire er’idoso:
-
Bulya gurhi Yehova ahûna abîra bage oku bajire empindûlo omu kalamo kabo?
Omwîra mwinja anarhukengeza ebintu byakarhulanga n’okurhulerhera obunguke. Yehova naye ntyo kw’ajirira abîra bage
6. Oku Yehova arhabalamwo abîra bage
Yehova anarhabale abîra bage balembere amazibu. Olole EVIDEO, na buzinda oganirire er’idoso.
-
Mw’eyi video, gurhi Yehova arhabire oyu mukazi ahagalike entanya zage mbi n’okuciyumva kubi?
Osome Izaya 41:10, 13, na buzinda oganirire aga madoso:
-
Bici Yehova alaganyize okujirira abîra bage boshi?
-
K’orhanyize oku Yehova anaba Mwîra mwinja? Bulya gurhi?
Omwîra wawe anakurhabala amango oli omu bulagirire. Yehova naye anakurhabala
7. Lyo rhuba bîra ba Yehova rhukwanine rhukamuganiza n’okumuyumvirhiza
Okuganira kunazibuhye obwîra. Osome Ennanga 86:6, 11, na buzinda oganirire aga madoso:
-
Gurhi rhwakaganîra na Yehova?
-
Gurhi Yehova arhuganizamwo?
Rhunaganize Yehova kugerera isala; anarhuganize kugerera Ebibliya
HALI ABANTU BADERHA NTYA: “Birhakahashikana okuyegera Nnâmahanga.”
-
Lwandiko luhi wakakolesa ly’oyerekana oku rhwanaba bîra ba Nnâmahanga?
KWA BOFOFI
Yehova alonzize okuba Mwîra wawe, akurhabala ly’ohashimuyegera.
Okucikengeza
-
Gurhi Yehova arhabala abîra bage?
-
Bulya gurhi Yehova ahûna abîra bage oku bajire empindûlo?
-
K’orhanyize oku kuba kuzibu okujira obwîra haguma na Yehova? Bulya gurhi orhanyize ntyo, erhi bulya gurhi nanga?
OCIYIGIRIZE KWA BULÎRI
Gurhi obwîra haguma na Nnâmahanga bwakakulerhera obunguke omu kalamo?
“Kumujua Yehova Kutakuletea Faida” (Ilabiro ly’Akalalizi, ly’omu nsiku 15/2/2003)
Oyige gurhi wakajira obwîra haguma na Nnâmahanga.
Olonze okumanya bulya gurhi mukazi muguma aderhaga oku obwîra bwage haguma na Yehova bwamucungwire.
Oyumve entanya z’abana b’omushûko lugenda obwîra bwabo haguma na Yehova.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
