ISOMO LYA 27
Gurhi Olufû lwa Yezu Lwakarhucungula?
Rhunajire ecaha, rhunalibuke, rhunafê bulya ababusi birhu barhanzi, Adamu na Eva barharhumikiraga Nnâmahanga. a Cikone, arhali ko byagendekera ntyo. Yehova ajijire kantu kalebe ly’arhucungula omu caha n’omu lufû: Arhuma Omugala Yezu Kristu afê enyanya zirhu. Ebibliya edesire oku erhi Yezu afâ, ahâna engombôlo. Engombôlo liba ibeyi lilipwa lyo balikula muntu mulebe. Ibeyi Yezu alipaga bwali buzine bwage bwimana agwerhe hanw’igulu. (Osome Mateyo 20:28.) Yezu agwerhe ehaki y’okulama emyaka n’emyaka hanw’igulu, cikone ayemera okufâ ly’arhuha obulyo bw’okucibiba n’ebi Adamu na Eva bahezagya. Na kandi, oko kwayerekana oku ye na Yehova baba barhuzigire bwenene. Er’isomo lyakurhabala obe wakuvuga omunkwa kw’olo lufû lwa Yezu.
1. Gurhi ene rhwakayunguka n’olufû lwa Yezu?
Bulya rhuba banyabyaha, rhunakajira bintu binji bibi birhasimisizi Yehova. Cikone, erhi rhwakagokola ebyaha birhu n’okushenga Yehova arhubabalire kugerera kuli Yezu Kristu, na buzinda rhuciseze okurhacigalukira ebyo byaha birhu, rhwanaba n’obwîra bwa hofi-hofi haguma na Nnâmahanga. (1 Yowane 2:1) Ebibliya edisire ntya: “Kristu naye afîre liguma kwa lwoshi oku byaha by’abantu; ye mweru-kweru afîra abanya-byaha, mpu arhuhise kuli Nnâmahanga.”—1 Petro 3:18.
2. Gurhi omu mango gayisha rhwakayunguka n’olufû lwa Yezu?
Yehova arhumire Yezu hanw’igulu ly’ahâna obuzine bwage bwimana “mpu ngasi yeshi wamuyemera alek’ihera, ci abone obuzine bw’ensiku n’amango.” (Yowane 3:16) Rhuvuzire Yezu omunkwa okubona ajijire ntyo, kugerera olufû lwage, hano hofi-hofi Yehova ayishiyukiriza ebintu bibi byoshi byadwirhwe n’ecaha ca Adamu. Kuli kuderha oku erhi rhwakaba n’obuyemere omu ngombôlo Yezu ahânaga, rhwanayishilama emyaka n’emyaka omw’igulu paradizo!—Izaya 65:21-23.
HUMBIRIRA LY’OHUGÛKWA
Oyige kwa bulirî bulya gurhi Yezu afâga na bunguke buci olufû lwage lukulerhire.
3. Olufû lwa Yezu lwarhucungwire omu caha n’omu lufû
Olole EVIDEO, na buzinda oganirire er’idoso likulikire.
-
Bici Adamu ahezize erhi abula kurhumikira Nnâmahanga?
Osome Abaroma 5:12, na buzinda oganirire er’idoso:
-
Mazibu gahi ecaha ca Adamu cadwirhe omu kalamo kawe?
Osome Yowane 3:16, na buzinda oganirire er’idoso:
-
Bulya gurhi Yehova arhumaga Omugala hanw’igulu?
-
Adamu âli muntu mwimana cikone arharhumikiraga Nnâmahanga, n’oko kwalerhera bene bantu boshi ecaha n’olufû
-
Yezu âli muntu mwimana anarhumikira Nnâmahanga, n’oko kwanahashise bene bantu babe bimana banayishʼilama emyaka n’emyaka
4. Olufû lwa Yezu lwanalerhera abantu boshi obunguke
Olole EVIDEO, na buzinda oganirire er’idoso likulikire.
-
Gurhi olufû lwa muntu muguma lwakadwirhire abantu boshi obunguke?
Osome 1 Timoteyo 2:5, 6, NWT, na buzinda oganirire er’idoso:
-
Adamu âli muntu mwimana wadwirhire abantu olufû n’ecaha. Yezu naye âli muntu mwimana. Omu njira nci ahânyire “engombôlo eshinganine”?
5. Engombôlo eba ngalo Yehova akuhîre
Ngasi mwîra wa Yehova anabone oku engombôlo eri ngalo Yehova amuhîre. Kwa lwiganyo, Osome Abagalasiya 2:20, na buzinda oganirire er’idoso:
-
Bici Paolo adesire biyerekine oku akagibona engombôlo oku eri ngalo yage Yehova amuhîre?
Erhi Adamu ajira ecaha, acilerhera ye n’iburha lyage olubanja lw’olufû. Cikone Yehova arhuma Omugala oku afê ly’ocibiyishilama ensiku n’amango.
Hano oba oli wasoma eyi milongo ekulikire, oje warhanya gurhi Yehova aciyumvirhe erhi abona Omugala ali alibuka. Osome Yowane 19:1-7, 16-18, na buzinda oganirire er’idoso:
-
Gurhi ociyumva erhi obona ebi Yehova na Yezu bakujirire?
HALI OMUNTU WAKADOSA NTYA: “Ka kobinali byanahashikana muntu muguma afîre abantu boshi?”
-
Gurhi wakamushuza?
KWA BOFOFI
Olufû lwa Yezu lunahashise ebyaha birhu bibabalirwe na Yehova, na kandi lunarhuhe obulyo bw’okuyishilama ensiku n’amango.
Okucikengeza
-
Bulya gurhi Yezu afâga?
-
Omu njira nci obuzine bwa Yezu bwimana bwahânyire engombôlo eshinganine?
-
Gurhi wakayunguka n’olufû lwa Yezu?
OCIYIGIRIZE KWA BULÎRI
Olole bulya gurhi obuzine bwimana Yezu ahânaga buhamagirwe ngombôlo.
“Omu Njira Nci Enterekêro ya Yezu Eri ‘Ngombôlo Kuli Bantu Banji’?” (Mwanzi guli oku jw.org)
Olole ebintu rhwakajira lyo rhuyishicunguka.
Ka Yehova anarhubabalira n’ebyaha bizibu?
“Maulizo Juu ya Habari za Biblia Yanajibiwa” (Ilabiro ly’Akalalizi, ly’omu lusiku 1/5/2013)
Olole gurhi okuyiga lugenda enterekêro ya Kristu kwarhabire mulume muguma ashanje obumuntu bwage.
a Ecaha kurhali kujira kantu kalebe kabi kone. Cikone, kandi ecaha eba hali yakurhaba bimana rhwayimiremo.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
