ISOMO LYA 38
Oshagalukire Engalo y’Obuzine
Amango omuntu azine anashagalukira okujira bintu binji binja. Ciru n’omu mango rhuli omu mazibu, hali ebintu byakarhulerhera obushagaluke omu kalamo. Gurhi rhwakayerekanamwo oku rhushagalukire engalo y’obuzine? Na bulya gurhi kuli kwa bulagirire okuyishagalukira?
1. Bulya gurhi rhushinganine rhushagalukire obuzine?
Rhushinganine rhushagalukire obuzine bulya eba ngalo erhenzire emwa Larha wirhu w’obuzigire, Yehova. Yeba “nshôko y’obuzine,” k’okuderha oku ye walemaga ngasi kantu koshi kazine. (Ennanga 36:9, Mashi Bible) “Ye shoboza boshi obuzine n’omûka n’ebindi byoshi byoshi.” (Ebijiro by’Entumwa 17:25, 28) Yehova anakarhuha ebi rhulagirireko lyo rhugendekera rhwalama. Cikone kulusha oko, anakashibirira obuzine bwirhu omu njira yakarhuma rhwabushagalukira.—Osome Ebijiro by’Entumwa 14:17.
2. Gurhi rhwakayerekamwo Yehova oku rhushagalukire engalo y’obuzine?
Kurhenga amango wali omu nda ya nyoko, erhi na Yehova kushibirira akushibirira. Mukozi wa Nnâmahanga muguma ohamagalwa Daudi alongozibwa n’iroho lya Nnâmahanga, amubwira ntya: “Amango naciri cibumburugu [kiini-tete] wakag’imbona.” (Ennanga 139:16, Mashi Bible) Yehova anabone obuzine bwawe oku buli bwa ngulo ndarhi. (Osome Mateyo 10:29-31.) Yehova anagaye bwenene erhi omuntu akaciniga yene n’obulonza erhi anige owundi muntu. a (Olubungo 20:13) Na kandi Yehova anaciyumva kubi bwenene erhi rhwakahira obuzine bwirhu omu mazibu erhi kuhira obuzine bw’abandi omu mazibu enyanya z’okurharhôla emihigo y’okucilanga. Erhi rhushibirira obuzine bwirhu n’okukenga obw’abandi, rhunayerekane oku rhubwine obuzine oku buli bwa ngulo ndarhi.
HUMBIRIRA LY’OHUGÛKWA
Olole njira nguma na nguma wakayerekanamwo oku onashagalukire engalo y’obuzine.
3. Oshibirire amagala gawe
Abakristu bacihanyîre emwa Yehova banakolese akalamo kabo koshi lyo bamukolera. Ko banaba nk’abahânyire emibiri yabo nterekêro emwa Nnâmahanga. Osome Abaroma 12:1, 2 na buzinda oganirire aga madoso:
-
Bulya gurhi oshinganine okushibirira amagala gawe?
-
Gurhi wakajira ly’oshibirira amagala gawe?
4. Oyake ebyakarhuma wavunika erhi kufâ
Ebibliya erhuhîre omurhima oku rhuyake ebijiro byakahira obuzine omu mazibu. Olole EVIDEO ly’obona bintu biguma na biguma wakajira ly’orhagija omu mazibu.
Osome Emigani 22:3, na buzinda oganirire ebi wakajira haguma n’abandi lyo murhagija omu mazibu amango muli . . .
-
ahamwabinywe.
-
ebwa kazi.
-
amango muli mwajira e sport.
-
amango oli omu mutuga erhi amango oli wagutembeza.
5. Okenge obuzine bw’ehibonjo hirhaciburhwa
Daudi ahugwîre oku Yehova abona obuzine b’omwana ociri wakula omu nda ya nnina. Osome Ennanga 139:13-17, na buzinda oganirire er’idoso:
-
Ka Yehova anabone oku obuzine bw’omuntu bunarhondere amango omukazi aba izimi erhi amango omwana oburhwa?
Amarhegeko Yehova ahâga aba Israheli gakagilanga abazire n’akabonjo kabo kali omu nda. Osome Olubungo 21:22, 23, na buzinda oganirire aga madoso:
-
Gurhi Yehova akagibona omuntu warhumire akabonjo karhaciburhwa kafâ erhi aksida erhumire?
-
Gurhi Yehova aciyumva erhi omuntu ayirha n’obulonza akabonjo karhaciburhwa? b
-
Gurhi obwine ezo ntanya za Nnâmahanga lugenda akabonjo karhaciburhwa?
Ciru n’omukazi obona oku obuzine buli bwa ngulo ndarhi anarhanya mpu nkaba okugeza izimi kone kwakacimurhabala. Osome Izaya 41:10, na buzinda oganirire aga madoso:
-
Erhi bakaseza omukazi oku ageze izimi, ndi wakamuha oburhabale? Bulya gurhi?
HALI ABANTU BADERHA NTYA: “Omukazi agwerhe oluhûma lw’okucishoga erhi ageza izimi erhi nanga.”
-
Bici bikuyemezize oku Yehova anabone obuzine bw’omukazi n’obw’ehibonjo hiciri omu nda oku buli bwa ngulo ndarhi?
KWA BOFOFI
Ebibliya erhuyigirizize oku rhushinganine rhukazigira, rhukashagalukira n’okulanga engalo y’obuzine Yehova arhuhîre. Okujira ntyo kuhiziremo obuzine bwirhu n’obw’abandi.
Okucikengeza
-
Bulya gurhi Yehova abona oku obuzine bwirhu buli bwa ngulo ndarhi?
-
Gurhi Yehova aciyumva erhi omuntu aciniga erhi kuniga owundi n’obulonza?
-
Bulya gurhi nawe okenga engalo y’obuzine?
OCIYIGIRIZE KWA BULÎRI
Gurhi rhwakavugamwo Yehova omunkwa oku ngalo y’obuzine?
Olonze ishuzo ly’er’idoso: Ka Nnâmahanga anababalira omukazi wagezize izimi?
“Bici Ebibliya Edesire Okubiyerekire Okugeza Izimi?” (Mwanzi guli oku jw.org)
Olole gurhi okuba n’entanya za Nnâmahanga okubiyerekire obuzine kwakarhushumya rhuyake eby’okucishagalusa byakahira obuzine bwirhu omu mazibu.
“Inafaa Kabisa Kucheza ‘Michezo ya Hatari?’” (Amuka!, y’omu nsiku 8/10/2000)
Gurhi omuntu akajira erhi akaba agwerhe entanya z’okulonza okuciniga? Olole gurhi Ebibliya yakamurhabala.
a Yehova anashibirire bwenene bala baba bavunisire omurhima. (Ennanga 34:18) Aba ahugûsirwe oku okuvunika omurhima kwanarhuma omuntu aba n’entanya z’okulonza okuciniga, anaba alonzize okurhurhabala. Ly’obona gurhi arhurhabalamwo lyo rhulwisa entanya z’okuciniga, osome omwanzi gudesire “Ndonzize Okufâ—K’Ebibliya Yanantabala Amango Ngwerhe Entanya z’Okulonza Okuciniga?” guli omu higabi Ociyigirize kwa Bulîri hy’er’isomo.
b Bala bagezize amazimi barhashinganini bagendekere bacitumuza lugenda ebi bajijire, bulya Yehova anabababalira nka bamaciyunjuza. Okalonza okubona myanzi minji, olole omwanzi gudesire “Bici Ebibliya Edesire Okubiyerekire Okugeza Izimi?” guli omu higabi Ociyigirize kwa Bulîri hy’er’isomo.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
