ISOMO LYA 42
Bici Ebibliya Edesire Okubiyerekire Obulamba n’Okuja omu Buhya?
Omu maeneo manji, bantu banji banakarhanya oku omuntu arhakaba n’omwishingo nk’arhasigija omu buhya. Cikone, arhali abajire omu buhya boshi bajira omwishingo, na kandi arhali abalamba boshi barhajira mwishingo. Ebibliya eyerekine oku obulamba n’okuja omu buhya eba ngalo kurhenga emwa Nnâmahanga.
1. Bunguke buhi abalamba baba nabo?
Ebibliya edesire ntya: “Omuntu yeshi-yeshi ojire omu obuhya erhi bwinja ajijire, cikoki orhajiri omu buhya erhi ajijire bwinja bwenene.” (Osome 1 Abakorinti 7:32, 33, 38, NWT.) Omu njira nci obêzire mulamba erhi “ajijire bwinja bwenene”? Abakristu balamba barhajira balume erhi bakazi bakashibirira amalagirire gabo. Co cirhuma bajira oluhûma lunji. Kwa lwiganyo, hali baguma baguma ba mulibo bajira binji omu mukolo gwa Yehova, nk’okuhamira omu cindi cihugo lyo bajihubirimo omwanzi mwinja. Na kulusha ebyo byoshi, bajira kasanzi kanji k’okucijirira obwîra busêzire haguma na Yehova.
2. Bunguke buhi omuntu akaba nabo erhi akayandikisa obuhya bwage emwa leta?
Haba obunguke bw’okuja omu buhya, nka kula hanaba obunguke bw’okubêra mulamba. Ebibliya edesire oku “aha omuntu akaba kahumba, bakabà babirhi.” (Omuhanûzi 4:9) Ezo nderho zanabonekana z’okuli erhi omulume n’omukazi Mukristu bakakolesa amakanuni g’Ebibliya omu buhya bwabo. Erhi omulume n’omukazi bayandikisa obuhya bwabo emwa leta, banacigashe oku bagendekera bazigirana, bakengana n’okushibirirana. Okujira ntyo kwanarhuma baciyumva bali omu murhula kulusha omulume n’omukazi barhasig’iyandikisa obuhya bwabo emwa leta. Na kandi okuyandisa obuhya emwa leta kunarhume abana balerwa omu murhula.
3. Entanya za Yehova okubiyerekire obuhya ziba zihi?
Erhi Yehova agisha obuhya burhanzi aderha ntya: “Omuntu [omulume] aleka ishe na nnina acîshwekere kwo mukâge.” (Omurhondêro 2:24) Yehova aba alonzize omulume n’omukazi bazigirane, na ngasi muguma abêre mwishwekerezi oku wabo akalamo kage koshi. Aba ayemire oku banazaza obuhya erhi muguma mulibo akajira obuhushi. Omu kanga ka ntyo, Yehova ahîre omulume erhi omukazi balenganyagya oluhûma lw’okucishoga erhi azaza obuhya erhi nanga. a (Mateyo 19:9) Yehova arhaba ayemire oku Omukristu anaba na bakazi banji erhi balume banji.—1 Timoteyo 3:2.
HUMBIRIRA LY’OHUGÛKWA
Olole ebi wakajira ly’oba n’omwishingo, n’okushagalusa Yehova, obe wajire omu buhya erhi ociri mulamba.
4. Okolese bwinja akasanzi kawe k’obulamba
Yezu akagibona obulamba oku eba ngalo. (Mateyo 19:11, 12) Osome Mateyo 4:23, na buzinda oganirire er’idoso:
-
Bulya Yezu abezîre mulamba, gurhi akolesize akasanzi kage omu kukolera Ishe n’okurhabala abandi?
Abakristu baciri balamba banaba n’obushagaluke erhi bakakulikira olwiganyo lwa Yezu. Olole EVIDEO, na buzinda oganirire idoso likulikire.
-
Omu njira zihi nyinja Abakristu baciri balamba bakakolesamwo bwinja obulamba bwabo?
K’omanyire?
Ebibliya erhaba edesire myaka inga omuntu ashinganine okuba nayo ly’aja omu buhya. Cikone, eba edesire oku omuntu anarhangilinda kuhika “omwibalukwe gw’obusole guhwe,” bulya ako kasanzi kw’omwibalukwe irala ly’okujira ecijiro c’obuhya liba linji bwenene na kandi lyanarhuma omuntu arharhôla emihigo minja okubiyerekire okuja omu buhya.—1 Abakorinti 7:36, NWT.
5. Ocishoge bwinja oyu wajira naye obuhya
Okucishoga oyu wajira naye obuhya guli muguma gw’emihigo y’obulagirire oshinganine orhôle omu kalamo. Osome Mateyo 19:4-6, 9, na buzinda oganirire er’idoso:
-
Bulya gurhi Omukristu arhashinganini alibirhire okuja omu buhya erhi kuheruka?
Ebibliya yanarhurhabala rhumanye amorhere rhwakalonza omuntu rhwajira naye obuhya erhi kuheruka naye abe nago. Kulusha byoshi, oshinganine olonze olya oba azigire Yehova. b Osome 1 Abakorinti 7:39 na 2 Abakorinti 6:14. Buzinda, oganirire aga madoso:
-
Bulya gurhi owirhu Mukristu yene rhushinganine rhujire naye obuhya?
-
Gurhi orhanyize Yehova akaciyumva erhi rhwakajira obuhya n’omuntu orhamuzigira?
Erhi omuntu akashwekera omurhamba oku birhugo bya nsimba ibirhi zirhayumanini, ezo nsimba zanalibuka erhi kuyagazanya. Ko n’oko, erhi Omukristu akajira obuhya n’orhali Mukristu, anayishiba na mazibu manji omu buhya bwage
6. Obe n’entanya ziri nk’eza Yehova okubiyerekire obuhya
Balume baguma baguma b’omu ishanja ly’aba Israheli, bakagizaza obuhya enyanya z’okulonza okucikaliza bonene. Osome Malakiya 2:13, 14, 16, na buzinda oganirire er’idoso:
-
Bulya gurhi Yehova ashomba okuzaza obuhya buzira ecirhumire cishinganine?
Obuhushi n’okuzaza obuhya binalumise omurhima abana n’oyu balenganyagya
Olole EVIDEO, na buzinda oganirire idoso likulikire.
-
Erhi akaba balo erhi mukawe arhaba Muhamirizi wa Yehova, bici wakajira ly’obuhya bwinyu buba n’omwishingo?
7. Okolese amakanuni ga Yehova omu buhya bwawe
Hali amango bihûna bushiru bunji ly’omuntu akolesa amakanuni ga Yehova omu buhya bwage. c Cikone Yehova arhabula bugisha bala bacihangana okujira ntyo. Olole EVIDEO.
Osome Abahabraniya 13:4, na buzinda oganirire aga madoso:
-
K’orhanyize oku amakanuni ga Yehova okubiyerekire obuhya gayumvikine? Bulya gurhi oyemire ntyo, erhi bulya gurhi olahire?
Yehova aba alonzize Abakristu bakayandikisa obuhya bwabo emwa leta, na nka bazaza obuhya banacibija emwa leta, bulya omu bihugo binji leta y’ebintu bya ntyo biba biyerekire. Osome Tito 3:1, na buzinda oganirire er’idoso:
-
Akaba wajire omu buhya, ka wayandisize obuhya bwawe emwa leta?
HALI OMUNTU WAKADOSA NTYA: “Bulya gurhi rhwakayandikisa obuhya emwa leta? Ka rhurhakalama haguma buzira kuyandikisa obuhya emwa leta?”
-
Gurhi wakamushuza?
KWA BOFOFI
b Obulamba n’okuja omu buhya byoshi bijira obunguke binaba ngalo kurhenga emwa Yehova. Byombi byanarhuma omuntu aba n’omwishingo n’okurhimukwa erhi akalama nk’oku obulonza erhi makanuni ga Yehova gayerekine.
Okucikengeza
-
Bintu bihi binja ociri mulamba akajira ly’akolesa bwinja obulamba bwage?
-
Bulya gurhi Ebibliya edesire oku Omukristu ashinganine ajire obuhya n’owabo Mukristu yene?
-
Kantu kahi kone Amandiko gadesire kakarhuma omulume erhi omukazi azaza obuhya?
OCIYIGIRIZE KWA BULÎRI
Okuja omu buhya erhi kuheruka “muli Nyakasane mone” k’okuderha gurhi?
“Maulizo ya Wasomaji Wetu” (Ilabiro ly’Akalalizi, ly’omu lusiku 1/7/2004)
Olole mahano abirhi gakakurhabala orhôle emihigo minja okubiyerekire okusheba n’okuja omu buhya.
Olole bulya gurhi mwene wirhu muguma abonaga oku ebi Yehova amuhîre byo binji kulusha ebi alesire.
Bintu bihi biguma na biguma omuntu ashinganine arhanyeko embere ahige okuzaza obuhya erhi okuleka mukage erhi iba?
Heshimia “Kile Chenye Mungu Ameunganisha” (Ilabiro ly’Akalalizi, ly’Omwezi gwa 12, 2018)
a Olole Amahûgulo ga 4 gaganirire lugenda okulekana amango ntaye wajijire obuhushi.
b Omu maeneo maguma maguma, ababusi bwo bachishogera omwana wabo omulume erhi omukazi bajira naye obuhya. Akaba ntyo kwobiyorha emunda olama, ababusi bagwerhe obuzigire barhasegeza obwenge bwabo oku bintu by’omubiri erhi nsaranga z’omulala omwana wabo arhôleramwo erhi ogu aherukamwo, cikone bashinganine balole erhi oyo muntu azigire Yehova erhi nanga.
c Erhi akaba olamire n’omulume erhi mukazi murhanasag’iyandikisa obuhya bwinyu emwa leta, wene wakahiga erhi mwalekana erhi mwayandikisa obuhya emwa leta.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
