ISOMO LYA 45
Okurhalunga Okuboko Oluhande Loshi-Loshi k’Okuderha Gurhi?
Yezu ayigiriza abanafunzi bage oku barhashinganini babe “cigabi c’er’igulu.” (Yowane 15:19, NWT) Okurhalunga okuboko oluhande loshi-loshi kuhiziremo: okurhaja omu by’epolitike erhi eb’ivita. Okuderha okuli, kurhaba kulembu okurhalunga okuboko oluhande loshi-loshi. Nkaba okujira ntyo kunarhume barhushekera. Gurhi wakajira ly’orhagilunga okuboko oluhande loshi-loshi onabêre mwishwekerezi kuli Yehova?
1. Gurhi Abakristu b’okuli babona eguvernema za bene bantu?
Abakristu banakenge eguvernema za bene bantu. Rhunakenge ezi nderho Yezu aderhaga: “Ebya Sezari bigaluliragi Sezari,” k’okuderha oku rhunakenge amarhegeko g’ecihugo, kwa lwiganyo, amarhegeko garhuhûnyire okulipa ikoli. (Marko 12:17) Ebibliya eyerekine oku akaba eguvernema za bene bantu zicir’izarhambula, kuli kuba Yehova acizilekire oluhya lw’okurhambula. (Abaroma 13:1) Co cirhumire eguvernema za bene bantu zigwerhe omupaka erhi bukulu busungunu kulusha obwa Nnâmahanga. Rhuba rhulangalire Nnâmahanga n’Obwami bwage oku bo bwayishiyusa amazibu ga bene bantu goshi.
2. Gurhi wakayerekanamwo oku orhalunziri okuboko oluhande loshi-loshi?
Aka Yezu, rhurhaja omu bintu by’epolitike. Erhi abantu babona ebisomerine Yezu akagijira, balonza okumugwarha n’okumujira mwami wabo cikone Yezu alahira. (Yowane 6:15) Bulya gurhi? Enyuma z’aho Yezu ababwira ntya: “Obwami bwani burhali cigabi c’er’igulu.” (Yowane 18:36, NWT) Rhwe nka banafunzi ba Yezu rhunayerekane oku rhurhalunziri okuboko oluhande loshi-loshi omu njira nyinji. Kwa lwiganyo, rhurhaja okw’ivita. (Osome Mikeyo 4:3.) Rhunakenge ecimanyiso c’ishanja, nk’edrapo, cikone rhurhayiharamya. (1 Yowane 5:21) Na kandi, rhurhalunga okuboko erhi kulahira cama cilebe c’epolitike erhi cirongozi mulebe. Omu kujira ebyo n’ebindi, rhunayerekane oku kobinali rhuli bishwekerezi oku guvernema ya Nnâmahanga, k’okuderha Obwami bwage.
HUMBIRIRA LY’OHUGÛKWA
Olole kanga kahi na kahi kakahira okurhalunga kwirhu okuboko oluhande loshi-loshi omu marhangulo, onalole gurhi wakarhôla emihigo yashagalusa Yehova.
3. Abakristu b’okuli barhalunga okuboko oluhande loshi-loshi
Yezu n’abanafunzi bage barhulekire olwiganyo. Osome Abaroma 13:1, 5-7 na 1 Petro 2:13, 14. Buzinda, olole EVIDEO onaganirire aga madoso gakulikire.
-
Bulya gurhi rhushinganine rhukenge abakulu b’ecihugo?
-
Njira zihi na zihi rhuyerekanamwo oku rhubakenzire?
Omu mango g’ivita, hali amango bihugo biguma na biguma biderha oku birhalunziri okuboko oluhande loshi-loshi, cikone banabe bali barhabala ebihugo bibirhi biri byalwisanya. Okurhalunga okuboko oluhande loshi-loshi, k’okuderha gurhi? Osome Yowane 17:16. Buzinda, olole EVIDEO onaganirire er’idoso likulikire.
-
Okurhalunga okuboko oluhande loshi-loshi k’okuderha gurhi?
Gurhi wakajira erhi abakulu b’ecihugo bakakubwira oku ojire akantu kapingine n’irhegeko lya Nnâmahanga? Osome Ebijiro by’Entumwa 5:28, 29. Buzinda, olole EVIDEO onaganirire aga madoso gakulikire.
-
Erhi irhegeko lya bene bantu lyakapingana n’irhegeko lya Nnâmahanga, irhegeko lya ndi rhushinganine okukenga?
-
Kanga kahi orhanyize Omukristu arhakakengamo abakulu b’ecihugo?
4. Mube omu ntanya erhi omu bijiro byawe, orhalungaga okuboko oluhande loshi-loshi
Osome 1 Yowane 5:21. Buzinda, olole VIDEO onaganirire aga madoso gakulikire.
-
Nk’oku obwine mw’eyo video, bulya gurhi Ayenge ahigaga oku arhalunge okuboko cama coshi-coshi c’epolitike erhi kuja omu bintu by’okukuza ishanja, kwa lwiganyo nk’okulamusa edrapo?
-
K’orhanyize oku ogo muhigo orhôlaga gwali mwinja?
Kandi kanga kahi kakahira okurhalunga kwirhu okuboko oluhande loshi-loshi omu marhangulo? Olole EVIDEO, na buzinda oganirire aga madoso gakulikire.
-
Gurhi rhwakayaka okulunga okuboko oluhande loshi-loshi amango rhuli rhwalola emicezo eri yasharhwa n’abantu b’omu bihugo biri lubero?
-
Gurhi rhwakayaka okulunga okuboko oluhande loshi-loshi amango abakuli b’ecihugo bamarhôla emihigo ejijire akalamo kirhu kabe kazibu erhi kinja?
-
Gurhi abîra birhu erhi kandi emyanzi rhuyumva oku televizyo erhi oku radio yakarhushumya rhulunge okuboko luhande lulebe?
Omu kanga kahi Omukristu akayaka okulunga okuboko oluhande loshi-loshi kugerera entanya erhi ebijiro?
HALI OMUNTU WAKADOSA NTYA: “Bulya gurhi murhalamusa edrapo erhi kuyimba olwimbo lw’ishanja?”
-
Gurhi wakamushuza?
KWA BOFOFI
Abakristu banajire okwabo koshi lyo barhagilunga okuboko oluhande loshi-loshi omu by’epolitike, abe erhi kugerera entanya, enderho erhi bijiro byabo.
Okucikengeza
-
Bici rhushinganine rhukaha eguvernema za bene bantu?
-
Bulya gurhi rhurhalunga okuboko oluhande loshi-loshi omu y’epolitike?
-
Omu kanga kahi okurhalunga kwirhu okuboko oluhande loshi-loshi kwakaja omu marhangulo?
OCIYIGIRIZE KWA BULÎRI
Bintu bihi na bihi rhwakaciyima lyo rhurhagilunga okuboko oluhande loshi-loshi?
emilala yakajira ly’ecirheganya oku kanga kakahira okurhalunga kwabo okuboko oluhande loshi-loshi omu marhangulo?
Oyake Okulunga Okuboko Oluhande Loshi-Loshi omu Ngasi Kanga (4:25)
Bulya gurhi omuntu okuhalira ecihugo cage arhali ko kantu k’obulagirire bwenene?
Olole gurhi wakayaka okuba cigabi c’er’igulu amango oli wacishoga akazi wajira.
“Kila Mutu Atabeba Muzigo Wake Mwenyewe” (Ilabiro ly’Akalalizi, ly’omu nsiku 15/3/2006)
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
