ISOMO LYA 47
K’ocirheganyize Okubiyerekire Obubatizo?
Kugerera ifunzo lyawe ly’Ebibliya wamanyire bintu binji lugenda Yehova. Ciru nkaba hali na mpindûlo nguma nguma wamakajira omu kalamo kawe ly’okolesa ebi oli wayiga. Cikone, nkaba hali bintu bilebe biri byakuhanza okucihâna emwa Nnâmahanga n’okubatizibwa. Mw’er’isomo rhwabona bintu biguma biguma byakakuhanza okubatizibwa na gurhi wakajira ly’obihima.
1. Bintu binganaci oshinganine omanye embere obatizibwe?
Ly’obatizibwa, oshinganine obe “n’obumanye bw’okunali bw’okuli.” (1 Timoteyo 2:4, NWT) Oko kurhali kuderha oku embere obatizibwe oshinganine omanye ishuzo lya ngasi idoso liyerekire Ebibliya. Ciru n’Abakristu bakola bagwerhe nsiku nyinji bali babatize bacigendekire bayiga. (Abakolosi 1:9, 10) Cikone oshinganine orhangihugûkwa enyigirizo z’omusingi z’Ebibliya. Abagula b’ecigamba bakurhabala omanye erhi kobinali okola amanyire enyigirizo z’omusingi z’Ebibliya.
2. Bici na bici oshinganine okujira embere obatizibwe?
Embere obatizibwe, oshinganine ‘ociyunjuze onahinduke.’ (Osome Ebijiro by’Entumwa 3:19) Oko kuli kuderha oku oshinganine ociyumve kubi enyanya z’ebyaha wajiraga mîra n’okushenga Yehova akubabalire. Kandi oshinganine okuleka loshi-loshi olugenzi lurhasimisa Yehova n’okuhiga okulama akalamo kamusimisize. Na kandi, oshinganine orhondere okuja omu ntimanano n’okuhubiri haguma n’ecigamba.
3. Bulya gurhi orhashinganini oleke oboba bukuhanze okubatizibwa?
Bantu banji banayobohe oku barhahash’ihikirize ebiragane bahâga Yehova. Kobinali, hali amango rhujira amagosa, ciru n’abalume n’abakazi bishwekerezi baganirirwe omu Bibliya bakagijira amagosa. Cikone Yehova arhahûnyiri abakozi bage oku babe bimana. (Osome Ennanga 103:13, 14.) Anashagaluke erhi ojira okwawe koshi ly’omushagalusa! Akurhabala, anarhubwizire n’obwalagale oku ntaco “cankahasha okurhunanûla oku buzigire [bwage].”—Osome Abaroma 8:38, 39.
HUMBIRIRA LY’OHUGÛKWA
Olole gurhi okumanya Yehova bwinja n’okuyemera oburhabale bwage kwakakuhashisa olwise ngasi ebyakakuhanza okubatizibwa.
4. Olonze okumanya Yehova bwinja
Kunganaci oshinganine omanye Yehova embere obatizibwe? Oshinganine omumanye bwinja kuhika ohikire aha wamuzigira n’okulonza okumushagalusa. Olole EVIDEO ly’obona gurhi abandi banafunzi b’Ebibliya b’omw’igulu lyoshi bajijire ntyo. Na buzinda oganirire er’idoso likulikire.
-
Nk’oku obwine mw’eyo video, bici byarhabire bantu baguma na baguma bacirheganye lugenda obubatizo?
Osome Abaroma 12:2, na buzinda oganirire aga madoso:
-
Ka hali akarhinda (doute) ogwerhe lugenda ebi Ebibliya eyigiriza erhi nkaba ociri wacidosa erhi kobinali Abahamirizi ba Yehova banayigirize okuli?
-
Akaba ntyo kobiyosire, gurhi wakajira ly’okula ako karhinda?
5. Olonze okuhima ngasi ebikuhanzize okubatizibwa
Rhweshi rhunahikirwe n’amazibu erhi rhuhiga okucihâna emwa Yehova n’okubatizibwa. Rhulole lwiganyo luguma, olole EVIDEO, na buzinda oganirire aga madoso gakulikire.
-
Nk’oku obwine mw’eyo video, bici byakagihanza Narangerel okukolera Yehova?
-
Gurhi obuzigire kuli Yehova bwamurhabire ahime ebyo bihanzo?
Osome Emigani 29:25 na 2 Timoteyo 1:7, na buzinda oganirire er’idoso:
-
Bici birhuha oburhwali bw’okuhima ngasi bintu birhuhanza okukolera Yehova?
6. Olangalire oku Yehova akurhabala
Yehova akurhabala ojire ebimushagalusa. Olole EVIDEO, na buzinda oganirire aga madoso gakulikire.
-
Nk’oku obwine mw’eyo video, bulya gurhi oyo mwanafunzi w’Ebibliya akagirhindira okubatizibwa?
-
Bici ayizire byamurhabire okuzibuhya obulangalire bwage muli Yehova?
Osome Izaya 41:10, 13, na buzinda oganirire er’idoso:
-
Bulya gurhi wanayemera n’obwalagale oku wanahikiriza eciragane waha Yehova amango wacihâna emwage?
7. Obe wakuvuga omunkwa oku buzigire Yehova akujirako
Oku wakagendekera warhanya oku buzigire Yehova akujirako, ko wakanagendekera wamuvuga omunkwa bwenene na kandi ko wakanagendekera walonza okumukolera ensiku n’amango. Osome Ennanga 40:5, na buzinda oganirire er’idoso:
-
Migisho ehi Yehova akola okuhîre oshagalukira bwenene?
Omulebi Yeremiya alizigire Yehova n’Akanwa kage, anabona oku luli lukengwa okuhamagalwa okw’izino lya Yehova. Aderha ntya: ‘Akanwa kawe, bwaba busîme bwani, bwaba bushagaluke bw’omurhima gwani; kulya kuba izino lyawe banderha, Nyakasane [Yehova, NWT] Nyamuzinda w’emirhwe.’ (Yeremiya 15:16) Oshuze kw’aga madoso:
-
Bulya gurhi luli lukengwa okuba Muhamirizi wa Yehova?
-
K’olonzize okubatizibwa lyo nawe oba Muhamirizi wa Yehova?
-
Ka hali ebiri byakuhanza okubatizibwa?
-
Bici orhanyize oshinganine okujira lyo nawe ohikira okubatizibwa?
HALI ABANTU BADERHA NTYA: “Ntarhanyizi oku nanahashilama kushimbana n’eciragane naha Yehova.”
-
Ka nawe ntyo k’orhanya?
KWA BOFOFI
Yehova anakurhabala ohime ngasi bintu bikuhanzize okubatizibwa.
Okucikengeza
-
Bumanye bunganaci bw’Ebibliya oshinganine obe nabo embere obatizibwe?
-
Mpindûlo zihi oshinganine ojire embere obatizibwe?
-
Bulya gurhi orhashinganini oleke oboba burhume warhindira okubatizibwa?
OCIYIGIRIZE KWA BULÎRI
Olole bici byakaba musingi gw’okukushumya okubatizibwa.
“Uko Tayari Kubatizwa?” (Ilabiro ly’Akalalizi, ly’Omwezi gwa 3, 2020)
Olole gurhi wakahima mazibu malebe garhuma warhindira okubatizibwa.
“Ni Kitu Gani Kinanizuia Nisibatizwe?” (Ilabiro ly’Akalalizi, ly’Omwezi gwa 3, 2019)
Olole gurhi mulume muguma ahimaga ebyakagirhuma arhindira okubatizibwa.
Okumurhondêro, mulume muguma ohamagalwa Ataa akagirhindira okubatizibwa. Olole bici byamuyemezize okurhôla ogo muhigo gw’obulagirire.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
