ISOMO LYA 49
Gurhi Omulala Gwawe Gwakabamwo Guba n’Omwishingo?—Cigabi ca 1
Abantu nka baciyusa bajira obuhya banalangalire oku omwishingo bagwerhe olusiku l’obuhya gwagendekera ensiku n’amango. Byananahashikana gugendekere. Abakristu bakola bagwerhe myaka minji bajire omu buhya baciseza okukolesa amahano g’Ebibliya, bayishi oku byanahashikana ogo mwishingo gugendekere.
1. Mahano gahi Ebibliya ehîre abalume bajire omu buhya?
Yehova ajijire omulume abe cirhwe c’omulala, k’okuderha oku ashinganine ayimangire omulala. (Osome Abefezi 5:23.) Yehova aba alonzize omulume wajire omu buhya akarhôla emihigo yakalerhera omulala gwage obunguke. Ebibliya ehanwire abalume ntya: “Muzigire bakinywi.” (Abefezi 5:25) Oko k’okuderha gurhi? Omulume w’obuzigire anakajirira mukage bwinja, amango bali bone n’amango bali aha bantu. Anamulange ananajire okwage koshi ly’ashibirira amalagirire gage g’omubiri n’ag’ekandalala. (1 Timoteyo 5:8) Na kulusha byoshi, anashibirire amalagirire gage g’ekiroho. (Mateyo 4:4) Kwa lwiganyo, omulume wajire omu buhya anasalire n’okusoma Ebibliya haguma na mukage. Erhi omulume akashibirira mukage omu buzigire, anagendekere acijirira obwîra bwinja haguma na Yehova.—Osome 1 Petro 3:7.
2. Mahano gahi Ebibliya ehîre abakazi?
Akanwa ka Nnâmahanga kadesire oku omukazi ashinganine “akenge iba [bwenene].” (Abefezi 5:33) Gurhi akajiramwo ntyo? Anarhanya oku morhere minja g’iba n’obushiru ajira ly’amushibirira n’abana bage. Na kandi anayerekana oku amukenzire omu kulunga okuboko emihigo yage n’omu kumuganiza n’obukenge, n’okuderha ebintu binja kuli ye ciru akaba arhali mukozi wa Yehova.
3. Gurhi omulume n’omukazi bakajira lyo bazibuhya obuhya bwabo?
Ebibliya edesire lugenda omulume n’omukazi ntya: “Bombi baba mubiri muguma.” (Mateyo 19:5, NWT) K’okuderha oku bashinganine bayake engeso y’okurhac’ikayegerana. Banayerekane oku bali mubiri muguma omu kuciseza okukageza akasanzi haguma bombi n’omu kukabwirana entanya zabo n’oku ngasi muguma ali aciyumva. Ahanyuma na Yehova yene, nta kandi kantu erhi muntu yeshi-yeshi omulume erhi omukazi abona oku ali wa bulagirire kulusha mukage erhi iba. Banabe masu lyo barhagijira obwîra burhalusire olugero haguma n’omuntu orhali iba erhi mukage.
HUMBIRIRA LY’OHUGÛKWA
Olole amakanuni g’Ebibliya gakakurhabala ozibuhye obuhya bwawe.
4. We mulume, ozigire n’okushibirira mukawe
Ebibliya edesire oku “abalume nabo bakwanine bazigire bakabo nka mibiri yabo bône.” (Abefezi 5:28, 29) Oko k’okuderha gurhi? Olole EVIDEO, na buzinda oganirire er’idoso likulikire.
-
Njira zihi omulume akayerekanamwo oku azigire anashibirire mukage?
Osome Abakolosi 3:12, na buzinda oganirire er’idoso:
-
Gurhi omulume akayerekana ago morhere omu buhya bwage?
5. We mukazi, ozigire balo onamukenge
Ebibliya ehanwire omukazi oku akakenga iba ciru ankaba arhali mukozi wa Yehova. Osome 1 Petro 3:1, 2, na buzinda oganirire aga madoso:
-
Erhi akaba balo arhali mukozi wa Yehova, buzira karhinda wanalonza naye arhondere amukolera. Bici orhanyize byakamurhabala: Ka kukamuhubiri ngasi mango erhi lugenzi lwawe lwinja n’okumukenga? Bulya gurhi?
Omulume na mukage banarhôla emihigo minja nkabajira enkomêdu y’okuganira haguma. Cikone, hali amango omukazi aba n’entanya ziri lubero n’ez’iba. Anamubwira entanya zage omu butûdu n’obukenge, cikone ashinganine akengere oku Yehova ahîre omulume omukolo gw’okurhôla omuhigo muzinda omu mulala gwage. Co cirhumire ashinganine ajire okwage koshi ly’alunga omuhigo gw’iba okuboko. Erhi akajira ntyo analerha ecidurhu n’obushagaluke omu mulala gwage. Osome 1 Petro 3:3-5, na buzinda oganirire er’idoso:
-
Gurhi Yehova aciyumva erhi omukazi akenga iba?
6. Mwanahima amazibu gali omu buhya bwinyu
Ngasi buhya bujira amazibu. Co cirhumire omulume n’omukazi bashinganine barhabalane lyo bayusa amazibu gali omu buhya bwabo. Olole EVIDEO, na buzinda oganirire aga madoso gakulikire.
-
Nk’oku obwine mw’eyo video, bici biyerekine oku oyo mulume na mukage barhacikag’iyegerana omu buhya bwabo?
-
Bici na bici bajijire lyo bacibizibuhya obuhya bwabo?
Osome 1 Abakorinti 10:24 na Abakolosi 3:13. Enyuma z’okusoma ngasi lwandiko, oganirire er’idoso:
-
Bulya gurhi okukolesa er’ihano kwanazibuhya obuhya?
Ebibliya edesire oku rhushinganine rhukakengana ngasi muguma n’owabo. Okukenga muntu mulebe kuhiziremo okumukolera n’obuzigire n’obukenge. Osome Abaroma 12:10, na buzinda oganirire aga madoso:
-
K’omulume erhi omukazi anakalinda oku owabo arhangiba yemukenga lyo naye amukenga? Bulya gurhi neci erhi bulya gurhi nanga?
BANTU BANJI BANAKADERHA NTYA: “Omu buhya bwirhu rhurhaciba bîra nk’oku rhwali embere.”
-
Gurhi wakahugûlira oyo muntu oku amahano g’Ebibliya ganamurhabala?
KWA BOFOFI
Omulume na mukage banaba n’omwishingo erhi bakaba bazigirine, bakengine, n’erhi bakaba bali bakolesa amakanuni g’Ebibliya.
Okucikengeza
-
Gurhi omulume akajira ly’arhuma obuhya bwage bwaba n’omwishingo?
-
Gurhi omukazi akajira ly’arhuma obuhya bwage bwaba n’omwishingo?
-
Akaba wajire omu buhya, kanuni kahi k’Ebibliya kakarhabala okuzibuhya obuhya bwawe?
OCIYIGIRIZE KWA BULÎRI
Oyige amahano gakarhabala omulala gwawe gube n’omwishingo.
Olole evideo y’omuziki eyerekine emigisho omuntu akaba nayo omu kukolesa amahano g’Ebibliya omu buhya bwage.
Olole okurhumikira obukulu bw’omulume k’okuderha gurhi.
“Juu ya Nini Wanamuke Wanapaswa Kuheshimia Ukichwa?” (Ilabiro ly’Akalalizi, ly’omu nsiku 15/5/2010)
Olole kunganaci amahano g’Ebibliya gakarhabala obuhya.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
