ISOMO LYA 57
Bici Oshinganine Ojire Erhi Wakajira Ecaha Cizibu?
Ciru akaba oba ozigire Yehova bwenene, onanacihangane okuyaka ngasi kantu kakamugayisa, hali amango wakahikira aha wajira amagosa. Cikone hali byaha biguma na biguma biba bizibu kulusha ebindi. (1 Abakorinti 6:9, 10) Erhi wakajira ecaha cizibu, wanakengera oku Yehova acikuzigire; anakubabalira na ciru anakurhabala.
1. Bici rhushinganine rhujire lyo Yehova arhubabalira?
Bala baba bazigire Yehova banaciyumve kubi bwenene erhi bajira ecaha cizibu. Cikone, ezi nderho Yehova adesire zinabahe oburhulirize: “[Ciru] ebyaha binyu byakabâ bidukwire nka mwambalo gwa kaduku, byahinduka byêru nka lubula.” (Izaya 1:18) Erhi rhwakaciyunjuza n’omurhima goshi, Yehova anarhubabalira. Gurhi rhwakajira lyo rhuyerekana oku rhuciyunjuzize? Rhwanagaya bwenene lugenda eco caha rhwajiraga, rhunaleke okucishubirira, n’okushenga Yehova arhubabalire. Buzinda rhwanajira okwirhu koshi lyo rhushanja entanya erhi nkomêdu mbi yarhushumagya okujira eco caha na kandi rhushinganine rhurhondere okulama nk’oku amakanuni ga Yehova gadesire.—Osome Izaya 55:6, 7.
2. Gurhi Yehova akolesa abagula lyo barhurhabala amango rhwajijire ecaha?
Erhi rhwakajira ecaha cizibu, Yehova arhubwizire oku ‘rhuhamagale abagula b’ecigamba.’ (Osome Yakobo 5:14, 15, NWT.) Abo balume bahizirweho na Yehova baba bazigire Yehova n’ebibuzi byage. Bakomerezibwe gurhi bakarhurhabala lyo rhucibiba n’obwîra bwinja haguma na Yehova.—Abagalasiya 6:1.
Gurhi abagula barhurhabalamwo nka rhwakajira ecaha cizibu? Bagula babirhi erhi basharhu banakolesa amahano g’Ebibliya lyo barhuhanûla. Na kandi banarhubwira ebi rhwakajira lyo rhuyaka okucibijira eco caha. Hali amango bakahiga oku rhurhangileka mikolo milebe rhwakagijira omu cigamba kuhika rhucibiba n’ehali nyinja y’ekiroho. Lyo balanga ecigamba cirhagiyahukirwa n’eyo nkomêdu mbi, abagula banatenge owajijire ecaha buzira kuciyunjuza.
HUMBIRIRA LY’OHUGÛKWA
Oyige bwenene ly’omanya gurhi Yehova arhurhabala erhi rhwakajira ecaha cizibu.
3. Okuciyunjuza kunarhurhabale rhucibiba n’ehali nyinja y’ekiroho
Ngasi caha coshi rhujira cinagayise Yehova, co cirhuma rhuhungama emwage. Osome Ennanga 32:1-5, na buzinda oganirire er’idoso:
-
Bulya gurhi rhurhashinganini rhufulike ebyaha birhu, cikone rhushinganine rhubihungame emwa Yehova?
Enyuma z’okuhungama ebyaha birhu emwa Yehova, rhwanaciyumva bwinja bwenene nka rhwakahûna abagula oku barhurhabale. Olole EVIDEO, na buzinda oganirire idoso likulikire.
-
Nk’oku obwine mw’eyo video, gurhi abagula bajijire lyo barhabala Canon acibigalukira Yehova?
Nta kantu koshi-koshi rhushinganine rhukafulika abagula; bulya bahizirweho lyo bakarhurhabala. Osome Yakobo 5:16, na buzinda oganirire er’idoso:
-
Bulya gurhi erhi rhwakabwira abagula ebintu byoshi buzira kubafulika kantu kwanaba kulembu barhurhabale?
Ohungame ebyaha byawe, orhafulikaga abagula akantu koshi-koshi, onayemere oburhabale bw’obuzigire bwa Yehova
4. Gurhi okutenga omuntu kumurhabala
Erhi omuntu akajira ecaha cizibu na buzinda alahire okukulikira amakanuni ga Yehova, arhakacigendekera aba muguma w’omu cigamba. Anatengwa, rhurhakacimukômera erhi kukamuganiza. Osome 1 Abakorinti 5:6, 11 na 2 Yowane 9-11, na buzinda oganirire er’idoso:
-
Nka kula elevire erhuma epate yoshi yarhunda, bici okukômera omunya-byaha orhaciyunjuzizi kwakalerha omu cigamba?
Bantu banji batenzirwe bahikire aha bacib’igalukira Yehova. Bulya gurhi? Bulya ciru ankaba okutengwa kunalumisanye omurhima bwenene, cikone kunarhabale oyo muntu ahugûkwe oku anajijire kubi. (Ennanga 141:5) Olole EVIDEO, na buzinda oganirire idoso likulikire.
-
Nk’oku obwine mw’eyo video, gurhi okutenga Sonja kwamurhabire?
Gurhi omupango gw’okutenga omuntu . . .
-
gukengesa izino lya Yehova?
-
guyerekana oku Yehova aba wa lugero na wa buzigire?
5. Yehova anarhubabalire erhi rhuciyunjuza
Yezu akolesize olwiganyo lwakarhurhabala rhuhugûkwe gurhi Yehova aciyumva erhi omuntu aciyunjuza. Osome Luka 15:1-7, na buzinda oganirire er’idoso:
-
Bici olo lwandiko lukuyigirizize kuli Yehova?
Osome Ezekiyeli 33:11, na buzinda oganirire er’idoso:
-
Bici rhwakajira lyo rhuyerekana oku kobinali rhwaciyunjuzize?
Aka lungere, Yehova naye anakashibirira ebibuzi byage
HALI ABANTU BADERHA NTYA: “Ndi nayoboha okubwira abagula ecaha najiraga lyo barhag’intenga.”
-
Gurhi wakabwira omuntu ogwerhe ezo ntanya?
KWA BOFOFI
Erhi rhwakajira ecaha cizibu na buzinda rhuciyunjuze n’okuyaka okucibic’igalukira, Yehova anarhubabalira.
Okucikengeza
-
Bulya gurhi kuli kwinja okuhungama ebyaha birhu emwa Yehova?
-
Bici rhushinganine rhujire lyo Yehova ababalira ebyaha birhu?
-
Erhi rhwakajira ecaha cizibu, bulya gurhi rhushinganine rhuhûne abagula oburhabale?
OCIYIGIRIZE KWA BULÎRI
Olole gurhi mulume muguma aciboneraga obwonjo bwa Yehova buganirirwe omu Izaya 1:18.
Orhahira Waba n’Akarhinda Okubiyerekire Obwonjo bwa Yehova (5:02)
Gurhi omupango gw’okutenga omuntu gurhabala owatengagwa, n’ecigamba?
Olole gurhi wakahugûlira orhali Muhamirizi wa Yehova bulya gurhi hali bantu balebe batengwa n’ecigamba.
“K’Abahamirizi ba Yehova Banayake Abandi Bâli Bahamirizi Embere?” (Mwanzi guli oku jw.org)
Omu mwanzi gudesire “Nilipaswa Kumurudilia Yehova,” olole bulya gurhi mulume muguma wal’iwamaleka okuli aciboneraga oku Yehova alilonzize amugalukire.
“Biblia Inabadilisha Maisha ya Watu” (Ilabiro ly’Akalalizi, ly’omu lusiku 1/4/2012)
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
