Ka Ncirheganyize?
Ka Nkola Nshinganine Okuhubiri Haguma n’Ecigamba?
Wanaba okola ocirheganyize okuba muhubiri orhacibatizibwa erhi akaba . . .
Onakayiga Ebibliya ngasi mango, okusalira, n’okuja oku ntimanano z’ecigamba.
Oshagalukire onaba oyemire ebi oli wayiga onanaba olonzize okubiganirira abandi.
Ozigire Yehova onanacishoge okujira obwîra haguma n’abamuzigira.
Orhacijira lushangi loshi-loshi n’eby’epolitike erhi n’amakubuliro g’amadîni g’obunywesi.
Olamire kushimbana n’amakanuni ga Yehova g’olugenzi onanalonzize obe Muhamirizi wa Yehova.
Erhi wakabona oku wanarhonderaga okuhubiri haguma n’ecigamba, wanabwira mwalimu wawe ly’abwira abagula balole erhi ohikirizize ebihûnyirwe ly’oba muhubiri orhacibatizibwa.
Ka Nkola Nshinganine Okubatizibwa?
Wanaba okola ocirheganyize okubiyerekire okubatizibwa erhi akaba . . .
Oli muhubiri orhacibatizibwa.
Onajire okwawe koshi ly’oja omu mukolo gw’amahubiri.
Onalunge okuboko n’okukulikira obulongozi bwa “mushizi mwirhonzi na mwikubagirwa.”—Mateyo 24:45-47, NWT.
Wacihânyire emwa Yehova kugerera isala onalonzize omukolere ensiku zoshi.
Erhi wakabona oku okola ocirheganyize okubiyerekire okubatizibwa, wanabwira mwalimu wawe ly’abwira abagula balole erhi ohikirizize ebihunyîrwe ly’obatizibwa.
