Oku Wakayungukamwo n’er’Ifunzo ly’Ebibliya
Burhangiriza, olole gurhi ebigabi bipanzirwe na buzinda olole EVIDEO.
ECIGABI CIRHANZI
Orheganye ngasi isomo, osome ecigabi cirhanzi, osome amadoso gali omu lindi-lindi irangi (A) n’amandiko g’Ebibliya (B) galunzire emyanzi y’obulagirire okuboko. Wabona oku mandiko maguma maguma gali kw’oluderho “osome.”
ECIGABI CA KABIRHI
Emisemwa mirhanzi eri omu higabi (C) Humbirira ly’Ohugûkwa eyerekine entanya mwayiga, na ngasi cirhwe cisungunu (D) cihugwîre kwa bulîri entanya z’obulagirire. Haguma na mwalimu wawe, osome amandiko g’Ebibliya gali aho, oshuze oku madoso onalole evideo.
EVIDEO ziriyerekinwe omu, ziyushwîre entanya kw’ezi ziganirirwe omu isomo. Video nguma nguma ziyerekine ebi omuntu oli waderha muliyo acibwinire yenene, n’ezindi zashasirwe nka mucezo kone; zirhayerekini ebintu byajirikine kobinali erhi abantu b’okunali cikone ziyerekine ehali z’okunali z’akalamo.
Na kandi mulole haguma enfoto n’amahugûlo gazo (E), mulole na gurhi mwakashuza oku madoso gali omu higabi hidesire Hali Abantu Baderha Ntya (F).
ECIGABI CA KASHARHU
Ehigabi hidesire Kwa Bofofi n’Okucikengeza (G) rho rhugabi rhushwinjire isomo. Oyandike olusiku mwayusagya mwayiga isolo lyoshi. Ehigabi hidesire Omuhigo Gwani (H) hiyerekine ebi omwanafunzi akwanine okucihangana okujira. Ehigabi hidesire Ociyigirize kwa Bulîri (I) hirimo eyindi myanzi wakasoma erhi zindi video wakalola nk’olonzize.
Gurhi wakalonza olwandiko omu Bibliya
Omu Bibliya, muba bitabu 66. Ebibliya eba ngabemo bigabi bibirhi: Amandiko g’Ecihabraniya n’Eciharamu (“Ndagano ya Mira”) n’Amandiko g’Ecigiriki g’Ecikristu (“Ndagano Mpyahya”).
Amandiko gali mw’aga masomo galimo izino ly’ecitabu c’Ebibliya walonza (A), ecigabi (B), n’omulongo erhi milongo (C).
Kwa lwiganyo, Yowane 17:3 aho hayerekine ecitabu ca Yowane, cigabi ca 17, mulongo gwa 3.
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
