OKUJIRA ABANAFUNZI
ISOMO LYA 10
Ohige Okurhabala Abantu Babe Banafunzi
Akanuni k’Ebibliya: “Rhwankalonzize rhummuhe, arhali Emyanzi y’Akalembe yône, ci n’obuzine bwirhu ciru, bulya mwâli murhonyire bwenene emunda rhuli!”—1 Ts. 2:8.
Ebi Yezu Ajijire
1. Olole EVIDEO, erhi osome Yowane 3:1, 2. Enyuma z’aho, orhanye kw’aga madoso gakulikire:
-
Bici nkaba byakag’irhuma Nikodemu alambagirira Yezu budufu?—Olole Yowane 12:42, 43.
-
Omu kukarhimanana na Nikodemu budufu, gurhi Yezu ayerekinemwo oku kobinali agwerhe omuhigo gw’okujira abanafunzi?
Bici Olwiganyo lwa Yezu Lurhuyigirizize?
2. Rhunayerekane oku rhuzigire abantu omu kuba n’omuhigo gw’okubarhabala babe banafunzi.
Oyige Olwiganyo lwa Yezu
3. Mukayiga omu kasanzi kakwanine n’omu nafasi ekwanine oku mwanafunzi wawe w’Ebibliya. Anaba asîmire mukajira ifunzo lusiku lulebe omu mugobe, erhi kasanzi kalebe omu lusiku. K’anaciyumva ashagalukire bwenene okuyiga Ebibliya aha nafasi yage y’akazi, aha mwage, erhi aha nafasi y’abantu banji? Erhi kwakahashikana, oshanje eprograme zawe lyo muyiga Ebibliya omu kasanzi n’omu nafasi eri nyinja bwenene kuli ye.
4. Mukayiga ngasi mango. Erhi akaba orhahabe, omanye watwa eprograme yinyu y’ifunzo. Lubero n’oko, orhanye kuli oku:
5. Osalire ly’oba n’entanya nyinja. Oshenge Yehova akurhabale ogendekere waba n’omuhigo gw’okurhabala omwanafunzi wawe ciru akaba ali aba n’amazibu g’okuyiga ngasi mango erhi g’okukolesa amahano g’Ebibliya. (Fl. 2:13) Nkaba omwanafunzi wawe anaba agwerhe morhere manji minja; oshenge Yehova akurhabale okasegeza obwenge bwawe kw’ago morhere.
