Okacihira oku Nafasi y’Abandi

YEREKANA

Akanuni k’Ebibliya: “Mukashagaluka n’abashagalusire, munalake haguma n’abalaka.”—Rm. 12:15.

Ebi Yezu Ajijire

EVIDEO: Yezu Ayumviza Ehitu hy’Abantu Obwonjo

1. Olole EVIDEO, erhi osome Marko 6:30-34. Enyuma z’aho, orhanye kw’aga madoso gakulikire:

Bulya gurhi Yezu n’entumwa zage bal’ilangalire oku baba aharhali bantu “omu lwihweko”?
Bici byashumize Yezu okuyigiriza ehitu hy’abantu?

Bici Olwiganyo lwa Yezu Lurhuyigirizize?

2. Okucihira oku nafasi y’abandi kunarhushumye okushibirira abantu, ahali h’okushibirira omwanzi gwirhu gone.

Oyige Olwiganyo lwa Yezu

3. Oyumvirhize bwinja. Olekere omuntu oluhya lw’okukubwira entanya zage erhi oku ali aciyumva. Orhamutwaga cinwa erhi kurhashibirira duba-duba oku ali aciyumva, ebimubabazize erhi ebyakarhuma murhaganira. Omu kumuyumvirhiza bwinja, wanayerekana oku kobinali oshibirire entanya zage.

4. Orhanye lugenda omuntu wasimisibwe. Omu kurhanya lugenda enganîro mwajijire haguma naye, ocidose ntya:

‘Bulya gurhi alagirire oku kuyumva okuli?’
‘Gurhi okuyiga Ebibliya kwakajira akalamo kage ka ngasi lusiku kabe kinja, n’amango gage gayisha?’

5. Oganirire emyanzi epatine n’amalagirire gage. Buzira kulegama, oyerekane gurhi ifunzo ly’Ebibliya lyakashuza oku madoso gage, n’okumurhabala omu njira z’okunali.

NA KANDI OLABE

Rm. 10:13, 14; Fl. 2:3, 4; 1 Pt. 3:8

OZIGIRE ABANTU—LY’OJIRE ABANAFUNZI