CIGABI CA 13
Gurhi Rhwakajira lyo Rhushagalula Nnamahanga?
Oyake amabi. 1 Abakorinti 6:9, 10
Erhi akaba rhunazigire Yehova, rhurhakakajira ebi mugayisa.
Yehova arhasima rhuzimbe, rhulaluke erhi kukolesa amafumu g’okucilalusa.
Arhasima obunizi, okugeza izimi kandi arhasima omulume ojira obugonyi n’owabo mulume erhi omukazi ojira obugonyi n’owabo mukazi. Arhasima rhube n’irala libi erhi kulwisa abandi bantu.
Arhalonzizi rhuharamye enshushano n’okujira obukurungu.
Nta muntu ojira amabi wayishija omu Paradizo.
Ojire aminja. Mateyo 7:12
Lyo rhushagalula Nnamahanga, rhushinganine rhucihangane okumushusha.
Ozigire abandi bantu, obe wa lukogo na muhanyi.
Okaderha okuli n’okuyaka obushambo.
Obe n’obonjo na wakubabalira abandi.
Oshambalire abandi lugenda Yehova n’enjira zage.—Izaya 43:10.
Olole n'Ebi Bikulikire
ENYIGIRIZO Z'OMUSINGI Z'EBIBLIYA
Ka Nnamahanga Aba Ayemire Amadîni Goshi?
Bantu banji babà bayemire oku amadîni goshi go na maguma oku omuntu anacishoga er’alonzize.
OKUBIRHUYEREKIRE
Bulya gurhi oyige Ebibliya?
Ebibliya eri yarhabala bantu banji babone amashuzo oku madoso g’obulagirire bwenene rhucidosa omu kalamo. Ka nawe olonzize omanye amashuzo?
