CIGABI CA 3
Gurhi Akalamo Kal’iyosire omu Paradizo?
Yehova ahâ Adamu na Eva bintu binji binja. Omurhondêro 1:28, NWT
Yehova alêma Eva, mukazi murhanzi, amuhekera Adamu oku abe mukage.—Omurhondêro 2:21, 22.
Erhi Yehova abalêma, bâl’igwerhe obukengere bwimana n’emibiri mimana, barhalikw’izabyo lyoshi-lyoshi.
Abaheba omw’ishwa lye Edeni, aho hâli hantu hinja bwenene, mwâli enyishi, emirhi y’amalehe n’ensimba.
Yehova akag’ibaganiza n’okubayigiriza. Bacimuyumvirhizâgya, bakalamîre emyaka n’emyaka omu Paradizo hanw’igulu.
Nnamahanga abahanza oku irhondo barhahira balya oku malehe g’omurhi gw’aminja n’amabi. Omurhondêro 2:16, 17
Malahika muguma agomêra Nnamahanga. Oyo malahika mugalu-galu ye hamagalwa Shetani.
Yehova ayereka Adamu na Eva murhi muguma omw’ishwa; ababwîra oku olusiku banalyè oku malehe gw’ogo murhi bayish’ifâ.
Shetani arhalonzâgya Adamu na Eva bakenge Yehova. Na ntyo omu kukolesa enjoka, abwîra Eva oku bakalya oku malehe gw’ogo murhi, barhafê cikone babà aka Nnamahanga. Abarheba mushana wani!—Omurhondêro 3:1-5.
Olole n'Ebi Bikulikire
ENYIGIRIZO Z'OMUSINGI Z'EBIBLIYA
Bici Byarhumâga Nnamahanga Alema Igulu?
Igulu lirhu liba linja bwenene. Nnamahanga alihizire kuli n’izuba, alilemire lyo liyunama, na kandi alilemeri likazunguluka okushinganine, bulya gurhi Nnamahanga alemire ebyo byoshi?
