CIGABI CA 14
Gurhi Wakajira ly’Oba Mwishwekerezi Kuli Yehova?
Ocihebe eluhande lwa Nnamahanga. 1 Petro 5:6-9
Oyake ngasi nkomedu mbi zihanzibwe omu Bibliya. Ly’ojira ntyo, oshinganine ociseze bwenene.
Orhacihebaga omu by’epolitike by’amashanja; bulya amashanja gali galahira Yehova n’Obwami bwage.
Ocishoge enjira nyinja—oyumvirhize Nnamahanga. Mateyo 7:24, 25
Okomerane n’Abahamirizi ba Yehova; banakurhabala oyegere Nnamahanga.
Ogendekere wayiga okumanya Nnamahanga onacihangane okukenga amarhegeko gage.
Hano oba okola ogwerhe obwemere buzibu, ocihâne emwa Yehova kugerera isala na buzinda obatizibwe.—Mateyo 28:19.
Oyumvirhize Nnamahanga. Okasoma Ebibliya, obwire Abahamirizi ba Yehova bakurhabale okuyihugûkwa bwinja. Kandi, ocihangane okukolesa ebi oli wayiga omu kalamo kawe. Okajira ntyo, wayish’ilama emyaka n’emyaka.—Ennanga 37:29.
Olole n'Ebi Bikulikire
OKUBIRHUYEREKIRE
Obwire Abahamirizi ba Yehova Bakuyigirize Ebibliya
Obwire Abahamirizi ba Yehova bakulambagirire lyo muyiga emyanzi y’Ebibliya haguma, erhi okolese njira isharhu z’okuciyigiriza Ebibliya.
OKUBIRHUYEREKIRE
Oje oku Ntimanano z’Abahamirizi ba Yehova.
Olonze aha rhurhimananira n’oku rhujira enterekêro. Ngasi muntu ayegerezibwa, orhanahunwa ntûlo.
