Adamu na Eva baburha abana, na ntyo abantu babà banji omw’igulu. Buzinda bw’aho, bamalahika baguma na baguma bayiga Shetani, nabo bagomêra Nnamahanga.

Bayisha hanw’igulu, bayambala emibiri y’abantu mpu lyo bashôla abakazi. Abo bakazi baburha abana, abo bana barhal’ishushine n’abandi bantu. Bal’igwerhe emisi minene banali bagalu-galu bwenene.

Igulu lyayunjula bantu bagalu-galu. Ebibliya edesire mpu: ‘Amabi g’omuntu garhalûsa olugero hanw’igulu n’oku emihigo y’omu murhima gwage yagendekêra yabiha.’

Nuhu âli muntu mwinja. Yehova amubwîra oku akola ashereza abantu bagalu-galu n’enkuba y’ecihonzi.

Kandi, Yehova abwîra Nuhu oku ayubake obwarho bunene bwenene buderhwa safina, ahebemw’omulala gwage n’ensimba za ngasi lubero.

Nuhu arhônda abantu oku enkuba y’ecihonzi eri hofi, cikone barhamuyumvirhizâgya. Bantu baguma na baguma bakamushekera n’abandi bamugaya.

Erhi Nuhu ayusa ayubaka esafina, adahyamw’ensimba.