Erhi akaba rhulonzize okushagalula Yehova, rhushinganine rhuyumvirhize Omugala. Myaka minji bwenene embere ly’okulema Adamu, Yehova alêma malahika w’emisi minji empingu.

Buzinda, Yehova amurhuma hanw’igulu, aburhwa omu cihugo ce Betelehemu n’omubikira oderhwa Mariya. Oyo mwana ayirikwa izino lya Yezu.​—Yowane 6:38.

Amango âli hanw’igulu, Yezu ayerekana bwinja oborhere bwa Nnamahanga kugerera oku bijiro byage. Âli wa lukogo, al’igwerhe obuzigire n’abantu bakag’imuyegerera buzira boba. N’oburhwali boshi, ayigirîza abantu okuli lugenda Yehova.

Abakulu b’amadîni bagâya Yezu bulya akag’iyerekana n’obwalagale oku enyigirizo zabo zâli zabunywesi n’oku enjira zabo zâli mbi.

Kandi Yezu afûmya abalwala afûla n’abafîre.

Abakulu b’amadîni bashumika Abaroma mpu bashurhe Yezu banamunige.