Lusiku 1-7/4
ENNANGA 23-25
Lwimbo 4 n’Isala | Enderho z’Enshokolezi (Mun. 1)
1. “Nyamuzinda Ye Lungere Wani”
(Min. 10)
Yehova anarhulongoze (Enna 23:1-3; w11-SW 1/5 buk. 31 cif. 3)
Yehova anarhulange (Enna 23:4; w11-SW 1/5 buk. 31 cif. 4)
Yehova anarhulise (Enna 23:5; w11-SW 1/5 buk. 31 cif. 5)
Yehova anashibirire abakozi bage nka kula lungere w’obuzigire ashibirira ebibuzi byage.
OCIDOSE NTYA: ‘Gurhi Yehova amakanshibirira?’
2. Obuhirhi bw’Ekiroho
(Min. 10)
-
Enna 23:3, (Mashi Bible)—‘Enjira nnongedu’ byo bici, na bici byakarhurhabala okurhazigera eburhambi? (w11 15/2 buk. 24 cif. 1-3)
-
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?
3. Obusomi bw’Ebibliya
(Min. 4) Enna 23:1–24:10 (th isomo lya 5)
4. Okurhondeza Enganîro
(Min. 3) MAHUBIRI G’AKASANZI KOSHI-KOSHI. Omu kukolesa olwandiko lw’Ebibliya ohe omuntu omurhima wakubwizire oku anakaciyumva kubi lugenda okusherera kw’amazingira. (lmd isomo lya 2 nugta ya 5)
5. Okushimbulira Okusimisibwa
(Min. 4) MAHUBIRI GA NYUMPA OKU YINDI. Oyerese muntu mulebe wayemire ebroshire Oshagalukire Akalamo Ensiku n’Amango! gurhi rhuyiga Ebibliya. (lmd isomo lya 9 nugta ya 3)
6. Okujira Abanafunzi
Lwimbo 54
7. Rhunayake Izu ly’Ebigolo
(Min. 15) Nshambalo.
Ebibuzi binakaba bimanyire izu lya lungere wabyo binanamushimbe. Cikone kandi, binayake ecigolo birhamanyiri izu lyaco. (Yn 10:5) Ko n’oko, nirhu rhunayumvirhize izu lya balungere birhu b’ekiroho b’obuzigire na bakulangalirwa, ko kuderha Yehova na Yezu. (Enna 23:1; Yn 10:11) Cikone rhunayake izu ly’ebigolo bilonza okuzambanya obuyemere bwirhu kugerera “ébinwa by’obwengehuza.”—2Pt 2:1, 3.
Olwandiko lw’Omurhondêro cigabi ca kasharhu luganirire amango izu ly’ecigolo lyayumvikanaga oburhanzi okw’igulu. Shetani arhacimanyisagya kuli Eva, na ntyo amurheba buzira Eva okumanya bo na ndi bakag’iganira. Omu kuciyerekana nka mwîra wa Eva, aderha obunywesi lugenda ebi Yehova aderhaga n’ebyamushumyagya. Eby’okugayisa, Eva amuyumvirhiza n’oko kwarhuma acilerhera amazibu madarhi ye n’omulala gwage.
Ene na lyo Shetani ali ajira okwage koshi ly’ahiramwo abantu akarhinda lugenda Yehova n’ikubuliro lyage, omu kuyaliza emyanzi yakaheza abantu, n’obunywesi. Amango rhwamayumva izu ly’ecigolo, rhushinganine rhulibirhe! Okuyumvirhiza ciru hisanzi hisungunu hyone enyanya z’okulonza okumanya kantu kalebe, kwanarhuhira omu mazibu. Nderho inga Shetani al’ilagirireko ly’arheba Eva omu kasanzi kasungunu baganiraga haguma? (Murh 3:1, 4, 5) Gurhi rhwakajira erhi muntu mulebe rhumanyire, nkaba muntu oba orhuzigire bwenene onagwerhe entanya nyinja kurhuyerekera, akalonza okurhuganirira emyanzi mibi lugenda ikubuliro lya Yehova?
Mulole EVIDEO Oyake “Izu ly’Ebigolo.” Enyuma z’aho odose abumvirhiza ntya:
Bici wayizire lugenda oku Jade analwisizemwo akanga nnina orhali mwemezi analonzagya okumubwiramwo emyanzi mibi oku biyerekire ikubuliro lya Yehova?
8. Ifunzo ly’Ebibliya ly’Ecigamba
(Min. 30) bt-ZS cig. 8 cif. 1-4, bisanduku oku buk. 61-62
