Bantu banji bali barhanya oku ntabyo byakayusa amazibu gahikira igulu omu mwaka gwa 2024. Ciru akaba ntyo, rhwanapata obulangalire lugenda amango gayisha. Ngahi rhwakabupata?

 Ebibliya elaganyize oku Mungu ayish’iyusa amazibu garhuma akalamo kirhu k’ene kabonekana nka karhagwerhi bulangalire. Hano hofi-hofi, Mungu ‘ahôrhola ngasi mulenge guli omu masu [girhu]: olufû ntalwo lwacihabê; emishîbo n’endûlù n’amababale birhakacihabâ bundi.’​—Amafulûlo 21:4.

•   Ly’oyiga binji lugenda ebiragane by’Ebibliya by’amango gayisha, osome omwanzi gudesire “Tumaini Bora la Wakati Ujao.”

 Ebibliya ehânyire obulangalire bw’amango gayisha bwakakurhabala okuleka okukaciyumva orhagwerhi bulangalire, bwakanakurhabala okuba n’entanya nyija bwenene. (Abaroma 15:13) Na kandi amahano gw’obwenge g’Ebibliya ganakurhabala okulwisa amazibu oli warhimanana nago mwa gano mango, nka obukenyi, obubule bw’obushinganyanya, n’endwala.

•   Olole gurhi obulangalire Ebibliya ehânyire bwarhabire mulume muguma okupata omurhûla n’omwishingo ciru akaba akulaga ali mukenyi bwenene. Olole evideo Juan Pablo Zermeño: Yehova Ampîre Akalamo Kinja Kulusha.

•   Ovumbule gurhi Ebibliya yakakurhabalamwo okulwisa entanya z’okucitumuza, okuciyumva kubi, okuhangayika, n’okufîrwa. Osome omwanzi gudesire “Je, Ninaweza Kupata Faraja Katika Biblia?”

•   Olole gurhi mukazi muguma wali musoda embere ociganirire yene nka “muntu orhakag’ishibirira ndi” apasire obulangalire enyanya z’ebi ayigaga omu Bibliya. Olole evideo Niliweka Bunduki Yangu Chini.

 Ojire omwaka gwa 2024 gube mwaka mwinja kuli we n’omulala gwawe. Oyige binji lungenda oku Ebibliya yakakurhabalamwo. Oyige Ebibliya haguma na nirhu omu kuganira buzira kuhâna akantu oyige ebibliya haguma n’omwalimu. Oyige gurhi Mungu akakuhamwo ‘omuhigo [ntanya, NWT] gw’omurhûla’ mwa gano mango n’“obulangalire bw’ensiku zayisha.”​—Yeremiya 29:11, Mashi Bible.