Bantu banji banarhanye oku okujirira abantu b’irangi ly’omuri liri lubero ebintu biri kuguma ciri cilôrho cirhakahikirira.

•   “Omw’igulu lyoshi, akabôlo lugenda irangi ly’omubiri kali nka sumu oli washereza amakubuliro, ebigusho by’abantu, n’akalamo k’abantu ka ngasi lusiku. Akabôlo lugenda irangi ly’omubiri kagendekire karhuma abantu barhajirirwa ebintu biri kuguma.”​—António Guterres, Mwandisi Mukulu w’Ecinyabuguma c’Amashanja.

 Ka hali amango amashanja ganacijirirwe ebintu biri kuguma? Bici Ebibliya edesire lugenda oko?

 Ebibliya erhuyigirizize gurhi Mungu abona abantu b’irangi ly’omubiri liri lubero.

•   “[Nnâmahanga] ye warhenzagya abantu boshi oku muntu muguma, anabalumiza omu igulu lyoshi.”​—Ebijiro by’Entumwa 17:26.

•   “Nyakasane [Nnâmahanga] arhajira kabôlo, ci omu mashanja goshi, ngasi omurhinya n’okujira ebishinganine, anamusime.”​—Ebijiro by’Entumwa 10:34, 35.

 Ebibliya eyerekine oku abantu boshi barhengaga omu mulala muguma n’oku Nnâmahanga anayemere abantu ba ngasi irangi ly’omubiri.

 Amango Obwami bwa Nnâmahanga erhi guvernema eri empingu bwarhondera bwarhambula igulu, abantu boshi bayish’ikajirirwa ebintu biri kuguma. Eyo guvernema yayish’iyigiriza abantu okujirirana ebintu omu njira eshinganine. Abantu bayish’iyiga gurhi bakayaka loshi entanya z’okuba n’akabôlo.

•   “Abantu b’en’igulu bamanya obushinganyanya.”​—Izaya 26:9.

•   “Emburho y’obushinganya gwabâ murhûla, n’obushinganyanya bwalerha obuholo n’akahwenyenye ensiku n’amango.”​—Izaya 32:17.

 Ene, Ebibliya eri yarhabala emiliyoni y’abantu bayige gurhi bakakajirira abandi omu njira y’obukenge.

•   Ly’oyiga binji, osome omwanzi guli omu Amuka! gudesire “Kuko Dawa ya Kumaliza Ubaguzi?”

•   Ly’omanya gurhi ababusi bakaganirira abana babo lugenda akabôlo, osome omwanzi gudesire “Unaweza Kuzungumuzaje na watoto Wako Kuhusu Ubaguzi?”