Abarhegesi b’er’igulu n’amakubuliro g’omw’igulu lyoshi garhasag’ihasha okulerha omurhûla. Ene, hali ntambala nyinji ndarhi zirhasag’ibaho bundi kurhenga amango g’’Ivita lya Kabirhi ly’Igulu. Hofi bantu miliyare ibirhi, erhi cigabi ciguma oku bini c’abantu b’omw’igulu lyoshi, balamire omu maeneo galimw’entambala za ntyo.

 Bulya gurhi abantu barhakahash’ilerha omurhûla? Bici Ebibliya edesire?

1.  1. Abantu banayerekane engeso mbi zirhuma cirhu barhakapima okujira omurhûla. Ebibliya yalebire oku muli gano mango girhu, “abantu bacîsîma bone, basîme n’enfaranga, ba kucîkunga, na ba kucîbona, . . . ba kurhâkenga ngasi kantu kimana [erhi barhali bishwekerezi], . . . bantafa bwonjo, . . . ba bikanyali, ba kulîsa abandi n’amagala, . . . bâba ntumva, ba kucîbona bwenene.”​—2 Timoteyo 3:2-4.

2.  2. Bene bantu, muguma muguma na nka cigusho, barhagwerhi obuhashe bw’okuyusa amazibu gabo buzira burhabale bw’Omulemi wabo, Yehova a Nnâmahanga. Ebibliya eyerekine oku “arhali omuntu yene ocîlambagiza.”​—Yeremiya 10:23.

3.  3. Igulu liri lyarhegekwa na Shetani Ibilisi, murhegesi mubi na wa misi ‘orheba abantu boshi.’ (Amafulûlo 12:9) Amango goshi ‘igulu lyaba liri omu buhashe bw’Omubi,’ hagendekera haba amavita n’akavulindi.​—1 Yowane 5:19.

 Ebibliya erhuyemezize n’obwalagale oku Nnâmahanga ye walerha omurhûla cikone gurhakalerhwa n’obushiru bwa bene bantu.

•   Yehova adesire ntya: “Mmanyire niene omuhigo ngerêrezize kuli mwe. Guli muhigo gwa murhûla cikone gurhali gwa buhanya, nti lyo mmuha obulangalire bw’ensiku zayish’iyisha.”​—Yeremiya 29:11.

 Gurhi Mungu ajiramwo ntyo? ‘Nyamuzinda w’omurhûla avunyungula Shetani.’ (Abaroma 16:20) Mungu akolesa oburhegesi bw’empingu, Ebibliya ehamagire “Obwami bwa Nyamuzinda,” ly’alerha omurhûla omw’igulu lyoshi. (Luka 4:43) Idako ly’oburhegesi bwa Yezu Kristu, Mwami w’obo Bwami, abantu bayish’iyigirizibwa okulama omu murhûla.​—Izaya 9:6, 7.

•   Ly’oyiga binji lugenda oko, osome omwanzi gudesire “Ufalme wa Mungu Utatimiza Nini?”