Epolitike eri yarhuma bantu banji bagabikanamwo omw’igulu lyoshi. Eraporo yajiragwa n’e Pew Research Center omu mwaka gwa 2022, eyerekine oku “bantu 65% bakola bakulu b’omu bihugo 19 badesire oku abantu banakagabikanamwo bwenene enyanya z’okulunga okuboko ebyama by’epolitike biri lubero.”

 Ka nawe wacibwinire oku epolitike enakarhuma abantu bagabikanamwo emunda oba olamire? Bulya gurhi biba ntyo? K’oko kugabikanamwo kwanahwe? Rhulole ebi Ebibliya edesire lugenda oko.

 Omukuganirira ‘ensiku nzinda,’ Ebibliya yali erhi yalebire oku mwa gano mango girhu, bantu banji bakabire n’amorhere gakarhumire kwaba kuzibu okuba n’ecinyabuguma.

•   “Haba amango madarhi omu nsiku za buzinda. Bulya abantu bacîsîma bone, . . . bâba . . . bantafa-bwonjo.”​—2 Timoteyo 3:1-3, Mashi Bible.

 Ciru akaba bantu banji baba balonzize eguvernema zabo ziyololoke, oko kurhahikirira. Abantu bagwerhe entanya ziri lubero banabone oku kuli kuzibu n’oku ciru kurhakahashikana okukola haguma lyo bayusa amazibu. Oko kuyerekine ebi Ebibliya yali erhi yadesire hakola hali nsiku nyinji.

•   “Amango omuntu arhegesire owabo muntu, buhanya bwage.”​—Omuhanûzi 8:9.

 Cikone Ebibliya eyerekine ebyayish’iyusa ago mazibu, kuli kuderha eguvernema yashirhegekwa na muntu mulebe ogwerhe obuhashe bw’okuyusa amazibu gali galibuza bene bantu ene.

 Ebibliya eganirire omurhegesi ogwerhe obuhashe bwago-bwago bw’okuyusa amazibu girhu; k’okuderha Yezu Kristu. Yezu agwerhe obuhashe, obukulu, n’irala ly’okulerhera bene bantu boshi omurhûla n’ecinyabuguma.

•   “Obushinganyanya bwayera omu nsiku zage n’omurhûla guluge.”​—Ennanga 72:7.

•   “Amashanja goshi gamukolere.”​—Ennanga 72:11.

 Yezu ye murhegesi oshinganine bulya anashibirire abantu ananaba alonzize okubarhabala, ci bwenene balya bajirirwe okurhashinganini.

•   “Aciza omukenyi oyakûzize, n’abagaraganda barhajira cirhabâla. Afa omuzamba n’omukenyi bwonjo, acize n’omugaraganda. Abakûla aha babafunyagîze n’omu malibuko.”​—Ennanga 72:12-14, Mashi Bible.

 Oyige binji lugenda Obwami bwa Nnâmahanga, k’okuderha eguvernema y’empingu eri yarhambulwa na Yezu. Olole gurhi wakayunguka kugerera eyo guvernema na gurhi wakayilungamwo okuboko.

•   Olole evideo edesire Obwami bwa Nnamahanga byo Bici?

•   Osome omwanzi gudesire “Ufalme wa Mungu​—Serikali Yenye Haina Rushwa.”