Abantu banavunike omurhima erhi babona omuntu bakalangalire arhali mwikubagirwa. Bantu banji bahezize obulangalire bwabo omu . . .

•   bakulu b’epolitike bakahira amalagirire gabo oku nafasi ntanzi ahali h’amalagirire g’abantu bayimangire.

•   byombo by’okuhâna emyanzi biyabirwa okuhâna emyanzi y’okuli na yakulangalirwa.

•   bantu basoma eby’esiyanse barhajira ebintu oku bunguke bwa bacikala.

•   birongozi by’amadîni bikacihira omu bintu by’epolitike ahali h’okukolera Mungu.

 Biyumvikine okubona abantu bakola bakaba masu lugenda omuntu bakalangalira. Ebibliya erhuhanwire ntya:

•   “Mumanye mwakakâlangâlira abaluzi [abarhegesi], nisi erhi okucîkubagira iburhà ly’omuntu elirhacizà.”​—Ennanga 146:3.

  Ebibliya eganirire muntu mulebe wakalangalira; Yezu Kristu. Arhali muntu mwinja kone walamaga hakola hali amagana g’emyaka. Mungu ahizire ho Yezu ly’aba ‘Mwami . . . , n’obwami bwage burhakahwa.’ (Luka 1:32, 33, Mashi Bible) Yezu ali Mwami w’Obwami bwa Mungu, k’okuderha oburhegesi buli bwarhambula omu mpingu.​—Mateyo 6:10.

•   Ly’omanya bulya gurhi wakalangalira Yezu, osome emyanzi edesire “Ni Nani Mufalme wa Ufalme wa Mungu?” na “Ufalme wa Mungu Utafanya Nini?”