Kushimbana n’Ebibliya, ivita lya Harmagedoni erhali ntambala y’omu eneo ndebe yone, cikone liri ivita ly’amarhegesi goshi ga bene bantu haguma na Mungu.

•   “Yo myûka y’abazimu . . . bakaz’ija aha mwa ngasi mwami w’en’igulu lyoshi, mpu babashubuze bayish’ija oku ntambala y’olusiku lukulu lwa Nyamuzinda Nn’amahanga goshi. . . . Banacibashubuza, babuganana ahantu haderhwa Harmajedoni [erhi, Harmagedoni].”​—Amafulûlo 16:14, 16.

 Oluderho “Harmagedoni” lurhenzire omu luderho lw’Ecihabraniya Har Meghid·dohnʹ, luhugwîre “Ntondo ya Megido.” Megido yali vile y’omu Israheli ya mîra. Enyanya z’oko, bantu baguma na baguma baba bayemire oku ivita lya Harmagedoni lyayish’ilwirwa omu Israheli. Cikone, nta eneo yoshi-yoshi y’omu Asie y’Egarhi (Moyen-Orient), ebe eneo ya Megido erhi yindi eneo, yakayeneramwo “ngasi mwami w’en’igulu lyoshi” n’emirhwe yabo y’okulwa ivita.

 Ecitabu c’Amafulûlo cayandikagwa omu “bimanyiso,” erhi nderho z’enyiganyo. (Amafulûlo 1:1, NWT) Oluderho Harmagedoni lurhaganiriri hantu halebe h’okunali, cikone luhugwîre akanga k’igulu lyoshi amashanja garhimananamwo lyo gahagalika oburhegesi bwa Mungu obwa buzinda.​—Amafulûlo 19:11-16, 19-21.