Omu nsiku 23/5/2022, Ikubuliro ly’Omw’Igulu Lyoshi ly’Amagala Nkana (OMS), lyayerekine oku bantu miliyoni 6.27, bafîre enyanya z’Ekorona. Cikone, emyanzi mihyahya yahânagwa n’e OMS omu nsiku 5/5/2022 yal’iyerekine oku abantu bafîre bali banji kulusha. Eyerekine oku omu mwaka gwa 2020 n’ogwa 2021, “abantu bafîre n’Ekorona n’amazibu yalesire . . . bali hofi miliyoni 14.9.” Ka hali ebi Ebibliya edesire lugenda amazibu ga ntyo g’okuvuna omurhima?

•    Yezu ali erhi alebire oku hakabire ecahira erhi “ndwala ndarhi” z’okuyahukira omu kasanzi kahamagalwa “nsiku nzinda.”​—Luka 21:11, Contemporary English Version; 2 Timoteyo 3:1.

 Obulebi bwa Yezu buli bwahikirira ene. Ly’omanya binji, osome omwanzi gudesire “Ecimanyiso c’ ‘Ensiku Nzinda’ co Cihi?”

•    “Nyamuzinda wa ngasi burhulirize; ye rhurhuliriza omu mbaka zirhu zoshi.”​—2 Abakorinti 1:3, 4.

 Bantu banji bafîrirwe n’abazigirwa babo banabe n’oburhulirize kugerera omwanzi guli omu Bibliya. Ly’omanya binji olole omwanzi gudesire “Namna ya Kupambana na Huzuni​—Mambo Yenye Unaweza Kufanya Leo” n’ogudesire “Musaada wa Muzuri Zaidi kwa Wale Wenye Wamefiwa.”

•    “Obwami bwawe buyishe. Obulonza bwawe bube en’igulu nk’empingu.”​—Mateyo 6:10.

 Hano hofi hofi, hano “Obwami bwa Nnâmahanga” burhondera bwarhambula igulu ‘nta muntu wanaciderhe okw’amâlwala.’ (Marko 1:14, 15; Izaya 33:24, Mashi Bible) Ly’omanya binji lugenda ebi obo burhegesi bw’empingu bwayish’ihikiriza, olole evideo edesire Obwami bwa Nnâmahanga Byo Bici?

 Rhukuhûnyire oyige binji lugenda ebi Ebibliya edesire lyo we n’omulala gwawe muyunguka n’amahano g’obwenge n’ebiragane binja biyibamo.