Omu hotuba omwandisi mukulu w’Ecinyabuguma c’Amashanja, António Guterres ajiraga omu nsiku 4/4/2022 lugenda eraporo y’e Groupe d’Experts Intergouvernemental sur l’Évolution Climatique; aderha ntya: “E climat eli yasherera bwenene. E ville nnenene ziri zayunjulira mishi. Ecidurhu ciri cayushuka bwenene. Hali haba bakalemera b’okuyobohya. Okunyiha kw’amishi. Okuhera kw’emiliyoni y’emirhi mberuluka n’ey’ensimba. Ezo zirhali ntanya kone, rhurhanarhalusizi olugero omukuderha ntyo. Ebyo by’esiyanse edesire byaba.

 “Abasoma eby’esiyanse bagendekire bahâna oburhonde oku omu myaka eyishire mizirhu 423 [y’omu États-Unis] yasherera enyanya z’okuyushuka bwenene kw’ecidurhu kulerhwa n’okusherera kw’e climat. Omuliro, ecihonzi, okuyayuka kw’olubula, okuyushuka kw’amishi omu nyanja n’okuyushuka bwenene kw’ecidurhu, eri myanzi y’okuyobohya eri nk’eyakag’isomwa omu Bibliya.”​—“Okuyunjulira kw’Amishi omu Yellowstone, Cimanyiso c’Amazibu g’Amango Gayisha,” The New York Times, 15/6/2022.

 K’amazibu g’igulu g’amazingira ganahwa? Akaba neci, ndi wayish’igayusa? Ole ebi Ebibliya edesire.

 Ebibliya edesire oku Nnâmahanga ‘aherêrekeza balya bashereza igulu.’ (Amafulûlo 11:18) Olu lwandiko lurhuyigirizize bintu bisharhu:

1.  1. Ebijiro bya bene bantu byashereza igulu bwenene.

2.  2. Okusherera kw’igulu, kwayish’ihwa.

3.  3. Nnâmahanga ye wayish’iyusa mazibu g’okusherera kw’amazingira c’arhali bene bantu.

 Ebibliya edesire oku ‘igulu lyayorha lihaba,’ ensiku zoshi (Omuhanûzi 1:4, Mashi Bible) Abantu bagendekera balilamako ensiku n’amango.

•   “Abashinganyanya bo balya igulu, bo banalibêrakwo ensiku n’amango.”​—Ennanga 37:29.

 Igulu lirhu lyacibiba nk’oku lyali erhi lilemwa.

•   “Irungu n’ebiherabuga bishagaluke, obulambo bwacishinga bunameremwo akahasi.”​—Izaya 35:1.